अनेकदा कामाच्या ठिकाणी महिला काय की पुरुष काय, काही अशा गोष्टींना सामोरे जावे लागते की त्या घरापर्यंत पोहोचतात. यात कोणाची चूक असते, कोण बरोबर याला मग काही अर्थ नसतो. कारण तोवर ऑफिसभर बोभाटा झालेला असतो. कंपनीकडे, पोलिसांत तक्रार केली तर यात ज्याची चूक असते त्याला शिक्षा होते. परंतू, तोवर ऑफिसमध्ये गॉसिप ऐकावे लागते. असाच एक प्रकार एका महिला कर्मचाऱ्यासोबत घडला आहे.
आता ऑफिसमध्ये कामाला गेल्यावर तिथे सहकारी असतात, बॉस असतात. बॉसचे बॉस असतात. कामानिमित्त कधी कर्मचारी ऑफिसबाहेर जातात कधी बॉस जातात. पण कधी बॉस महिला कर्मचाऱ्याच्या ती ऑफिसला असताना घरी जात नाहीत ना. जपानच्या महिलेला ती लंच टाईमला घरी गेली असताना तिचा बॉस तिच्या घरात तिच्या बेडरुममध्ये सापडला होता. हे पाहून ती एवढी हादरली की तुला काही सुचलेच नाही.
फुकुओका प्रीफेक्चरला राहणारी ही २० वर्षीय महिला लंच ब्रेकवेळी घरातील काही सामान घेण्यासाठी गेली होती. तिने नेहमीप्रमाणे घर उघडले आणि बेडरुममध्ये गेली तर तिचा बॉस तिच्या बेडवर पहुडला होता. हा ४७ वर्षांचा नराधम फक्त अंडरवेअरवर झोपलेला होता. या तरुणीने आरडाओरडा न करता हळूच दरवाजा बंद करत सरळ पोलिसांना फोन केला. पोलिसांनी त्याला तिच्या घरातून ताब्यात घेतले. चौकशीत त्याने त्याला ती तरुणी आवडत असल्याचे सांगितले व तिच्याबद्दल मला सर्व माहिती हवी होती, असे सांगितले.
याहूनही धक्कादायक बाब म्हणजे तो काही या तरुणीच्या घरात पहिल्यांदाच घुसलेला नाही. तर तो यापूर्वीही तिच्या घरात ती ऑफिसमध्ये असताना गेलेला होता. याची तिला कल्पनाही नव्हती. आता ती तरुणी पुरती हादरलेली आहे, कारण या बॉसने तिला पाहण्यासाठी स्पाय कॅमेरा वगैरे लावला तर नव्हता ना अशी भीती तिला आता वाटू लागली आहे. याचा तपास आता पोलीस करत आहेत.