तहसील कार्यालयात आज लोकशाही दिन

भाजप युवा मोर्चातर्फे आत्मनिर्भर कार्यशाळा

जळगाव : भाजप युवा मोर्चाच्यावतीने आत्मनिर्भर भारत योजनेची कार्यशाळा झाली. भाजप युवा मोर्चाचे प्रदेशाध्यक्ष विक्रांत पाटील यांच्या मार्गदर्शनाखाली प्रदेश संयोजक हर्षल विभांडक यांनी मार्गदर्शन केले. या वेळी योजनांची माहिती देण्यात आली. लाभ घेण्यासाठी संपर्क साधण्याचे आवाहनही या वेळी करण्यात आले. महानगराध्यक्ष आनंद सपकाळे यांनीही मार्गदर्शन केले. सरचिटणीस जितेंद्र चौथे, महेश पाटील, सचिन बाविस्कर, राहुल मिस्त्री आदी उपस्थित होते.

शैक्षणिक कर्जाविषयी खासदारांना निवेदन

जळगाव : शैक्षणिक कर्ज प्रक्रिया सुलभ व्हावी या मागणीसाठी भाजप युवा मार्चाच्यावतीने खासदार उन्मेष पाटील यांना निवेदन देण्यात आले. या वेळी युवा मार्चाचे महानगराध्यक्ष आनंद सपकाळे, गोपाळ भंगाळे, पं.स. सदस्य मिलिंद चौधरी, नगरसेवक मयूक कापसे, अक्षय जेजुरकर, महेश पाटील, सचिन बाविस्कर, सागर जाधव उपस्थित होते.

पुरस्काराकरिता प्रस्ताव सादर करा

जळगाव : केंद्र शासनाच्या महिला व बाल विकास मंत्रालयामार्फत महिला व बाल विकास क्षेत्रात उल्लेखनीय कामगिरी करणाऱ्या महिला, संस्था, कंपन्या यांना नारी शक्ती पुरस्कार दिला जाणार आहे. २०१९-२० या वर्षाकरीता सदर पुरस्कारासाठी पात्र महिला कार्यकर्त्या, स्वयंसेवी संस्था, कंपन्या, सार्वजनिक क्षेत्रातील उद्योग इ. कडून अर्ज ऑनलाईन मागविण्यात येत आहेत. अधिक माहितीसाठी जिल्हा महिला व बाल विकास अधिकारी कार्यालया शी संपर्क साधावा, असे आवाहन जिल्हा महिला व बाल विकास अधिकारी विजयसिंग परदेशी यांनी केले आहे.

अर्ज करण्याचे आवाहन

जळगाव : विविध एकात्मिक बालविकास सेवा योजना प्रकल्पातंर्गत अंगणवाडी केंद्र असून त्यापैकी काही ग्रामपंचायतीच्या गावी सेविका व मदतनीसांची पदे रिक्त आहेत. यासाठी महिला उमेदवारांकडून अर्ज मागविण्यात येत आहे.

प्रशिक्षणासाठी नोंदणी

जळगाव : जिल्हा कौशल्य विकास रोजगार व उद्योजकता मार्गदर्शन केंद्रामार्फत प्रधानमंत्री कौशल्य विकास योजना बेरोजगार उमेदवारांना नि:शुल्क कौशल्य प्रशिक्षण देणार आहे. यासाठी नोंदणी करण्याचे आवाहन केले आहे.

पास देण्याची मागणी

जळगाव : शाळा सुरू झाल्या असून ग्रामीण भागातील विद्यार्थी मोठ्या संख्येने शिक्षणासाठी शहरात येत आहेत. शैक्षणिक सत्रातील सवलत पास मिळावी अशी मागणी विद्यार्थ्यांकडून केली जात आहे.

सुरेश भोळे यांची निवड

जळगाव : भटक्या विमुक्त जाती जमाती कल्याण समिती सदस्यपदी आमदार सुरेश भोळे यांची निवड करण्यात आली. या निवडीचे युवा मोर्चाचे महानगर चिटणीस जयंत चव्हाण यांच्यासह पदाधिकाऱ्यांनी स्वागत केले आहे.