जळगाव : काम आटोपून शिरसोली येथे घरी जात असलेल्या दुचाकीवरील तिघांना एका भरधाव कारने उडविल्याची घटना शिरसोली रस्त्यावरील जैन व्हॅलीजवळ शुक्रवारी रात्री दहा वाजेच्या सुमारास झाली. या अपघातात तिघे जखमी असून त्यांच्यावर उपचार सुरू आहेत.
शिरसोली येथील रोहित ताडे, किशोर काटोले व पीयूष ताडे (सर्व रा. शिरसोली प्र.बो.) हे दुचाकी (एमएच १९ सीएस ९१३७) ने येत असताना भरधाव येणारी कारने मागच्या बाजूने जबर धडक दिली. या अपघातात तिघे जखमी झाले आहेत. नागरिकांनी त्यांना शासकीय वैद्यकीय महाविद्यालयात उपचारासाठी दाखल केले. दरम्यान, घटनेची माहिती मिळाल्यानंतर एमआयडीसी पोलिस स्टेशनचे कर्मचारी घटनास्थळी दाखल झाले. या अपघाताची माहिती मिळाल्यानंतर नातेवाइकांनी रुग्णालयात धाव घेतली.