चोरटे शिरजोर....मंदिरही नाही सोडत, यावल तालुक्यातील किनगाव येथे मारुती मंदिराची दानपेटी फोडली

रक्कम समजेना

यावल, जि. जळगाव : यावल तालुक्यातील किनगाव येथील मारुती मंदिराची दानपेटी अज्ञात चोरट्याने फोडली. मात्र दानपेटीतून किती रक्कम चोरीस गेली हे मात्र समजू शकले नाही.
दानपेटीतील रक्कम चोरट्यांंनी फोडण्याचे वृत्त किनगाव बुद्रुक व खुर्द या दोन्ही गावात पसरताच मंदिर परीसरात मोठा जमाव जमला. पोलीस निरीक्षक अरूण धनवडे व सहकारी तत्काळ घटनास्थळी दाखल झाले. घटनास्थळी श्वान पथकही पाचारण करण्यात आले. गावात शांतता आहे.