...तर जिल्ह्यामधील ११७९ गावात सुरू होणार शाळा

= डमी - स्टार - ७५३

लोकमत न्यूज नेटवर्क

जळगाव : गेल्या काही महिन्यांपासून कोरोनामुक्‍त असलेली आणि भविष्यातही गाव कोरोनामुक्त राखण्याची खात्री देतील, अशा गावात पाचवी ते दहावी दरम्यानच्या शाळा सुरू करता येतील का? याचा आढावा घेण्याच्या सूचना मुख्यमंत्र्यांनी दिल्या आहेत. जळगाव जिल्ह्यात अशी १ हजार १७९ गावे आहेत, जी गेल्या काही महिन्यांपासून कोरोनामुक्त आहेत तर ७० गावांमध्ये एकही कोरोनाचा रूग्ण आढळून आलेला नाही. परिणामी, अशा गावांमध्ये शाळा सुरू होऊ शकतात.

कोरोनाच्या पार्श्वभूमीवर सलग दुस-या वर्षीही विद्यार्थ्यांना ऑनलाइन पध्दतीने शिक्षण दिले जात आहे. वर्षभरापासून विद्यार्थी हे घरातचं आहेत. दररोज घरात राहून ऑनलाइन शिक्षण पद्धतीला विद्यार्थी कंटाळले आहेत. कोरोनाच्या भीतीमुळे खेळण्यासह अनेक बाबींवर सुध्दा निर्बंध आलेले आहेत. शाळेत गेल्यावर आपल्या मित्र-मैत्रिणींना भेटता येईल ही ओढ विद्यार्थ्यांना लागून आहे. त्यामुळे यंदा तरी प्रत्यक्ष शाळेला सुरूवात होईल, अशी अपेक्षा विद्यार्थ्यांना होती, पण कोरोनाच्या दुस-या लाटेमुळे विद्यार्थ्यांच्या या आनंदावर विरजण पडले. आता कोरोनाची दुसरी लाट ओसरली आहे, त्यामुळे राज्यातील कोरोनामुक्त गावांमध्ये दहावी व बारावीचे वर्ग सुरू करण्याबाबतच्या शक्यता तपासण्याच्या सूचना मुख्यमंत्री यांनी दिल्या आहेत. सोबत पाचवी ते दहावीच्या दरम्यानच्या शाळा सुरू करता येतील का? असाही आढावा घेण्याचे सूचित केले आहे.

- जिल्ह्यातील एकूण शाळा - ३३९९

जिल्हा परिषद शाळा - १८२८

अनुदानित शाळा - ९६२

विनाअनुदानित शाळा - १५६

----------

कोणत्या वर्गात किती विद्यार्थी

पाचवी - ७८८२८

सहावी - ७७३११

सातवी - ७७६७७

आठवी - ७६३८५

----------

जिल्ह्यातील एकूण गावे - १४९९

सध्या कोरोनामुक्त असलेली गावे -११७९

-----------

तालुकानिहाय कोरोना मुक्त गावे

अमळनेर -१४२

भडगाव -४६

भुसावळ -५०

बोदवड -२२

चाळीसगाव - ९८

चोपडा - ९२

धरणगाव - ८६

एरंडोल - ४२

जळगाव - ७४

जामनेर - ११९

मुक्ताईनगर - ६१

पाचोरा - ९०

पारोळा -९५

रावेर - १०१

यावल -६१

१४३१ गावांमध्ये आढळले बाधित

जळगाव जिल्ह्यात एकूण १४९९ गावे आहेत. त्यापैकी १४३१ गावांमध्ये आतापर्यंत कोरोना रूग्ण आढळून आलेले आहेत. तर ७० गावांमध्ये एकही बाधित रूग्ण आढळून आलेला नाही. आता ११७९ गावे कोरोनामुक्त झालेली आहेत. अशा गावांमध्ये शाळा सुरू करता येवू शकतात. तसेच शाळा कधी सुरू होईल, याचीही प्रतीक्षा विद्यार्थ्यांना लागून आहे. ऑनलाइन शिक्षणामुळे मुले अभ्यासात मागे राहत असल्याने पालक देखील मुलांना शाळेत पाठविण्यास तयार आहेत.