ठळक मुद्देकोरोनाने नाशिक येथे घेतला अखेरचा श्वास
लोकमत न्यूज नेटवर्क
चाळीसगाव : कृषी उत्पन्न बाजार समितीचे माजी सभापती रवींद्र चुडामण पाटील यांची मुलगी सायली चंद्रशेखर पाटील (३०) हिचे २३ रोजी नाशिक येथे कोरोनाने निधन झाले.
तिच्यावर गेल्या पंधरा दिवसांपासून नाशिक येथे उपचार सुरू होते. या कोरोना काळातच प्रसूती झाल्यानंतर चौथ्या दिवशी सायलीचा मृत्यू झाला. बाळाची प्रकृती चांगली असून ते कोरोना निगेटिव्ह आहे. सायली हिला चार वर्षांची मुलगी आहे.
सायलीच्या पश्चात पती, दोन मुली, सासू, सासरे, दीर, आई-वडील, भाऊ, बहीण असा परिवार आहे. या घटनेने चाळीसगाव तालुक्यात सर्वत्र हळहळ व्यक्त होत आहे.