रावरेच्या आठवडे बाजाराला ‘ब्रेक’

कारवाई : सकाळचा लिलाव पोलीस व नपा प्रशासनाने धुडकावला

रावेर : कोरोनाच्या पार्श्वभूमीवर शुक्रवारचा आठवडे बाजार भरण्यापुर्वीच सकाळचा भरणारा भाजीपाला लिलाव रावेर नपा व पोलीस प्रशासनाने धुडकावल्याने आठवडे बाजाराचा गाशा गुंडाळण्यात आला.वाघोड, रसलपूरला भरला बाजारदरम्यान, वाघोड व रसलपूर येथील आठवडे बाजार शासनाच्या अध्यादेशांना वाटाण्याच्या अक्षता लावून भरल्याने सखेद आश्चर्य व्यक्त होत आहे. दरम्यान नागरिकांना सहकार्याचे आवाहन केले आहे.जामठीचा बाजार बंदजामठी, ता. बोदवड : येथील आठवडे बाजार कोरोनाच्या पार्श्वभूमीवर बंद ठेवण्यात येत आहे. शनिवारचा बाजार असल्यामुळे काही व्यापाऱ्यांनी शुक्रवारीच दुकाने थाटात मांडली होती. मात्र पोलीस प्रशासनाने दुकाने उठवण्यात आली.मनवेल येथील आठवडे बाजार बंदचे आवाहनमनवेल ता.यावल येथील शनिवारी भरणारा आठवडे बाजार हा जिल्हाधिकारी यांचा आदेशा नुसार बंद ठेवण्यात आला असुन सर्वांनी सहकार्य करावे असे आवाहन मनवेल ग्रामपंचायत तर्फे करण्यात आले आहे.यावलला बाजार केला बंदयावल: कोरोना संसर्गात वाढ होवू नये म्हणून येथील शुक्रवारचा आठवडे बाजार रद्य करण्यात आला. बाजारासाठी अनेक व्यापारी आले होते मात्र पालीकेने पोलीसांच्या सहकार्याने व्यापाऱ्यांना विनंती करीत बाजार रद्य असल्याचे सांगितल्यावरून अनेक व्यापारी परत गेलेत तर काही व्यापाºयांनी परीसरात विखुरलेल्या अवस्थेत दुकाने लावली होती.