Jalgaon News | Latest Jalgaon News in Marathi | Jalgaon Local News Updates | ताज्यबातम्या जळगाव | जळगाव समाचार | Jalgaon Newspaper

जळगाव : साफसफाईचा कचरा भरताना त्यात वजन वाढविण्यासाठी चक्क माती भरली जात असल्याचा प्रकार बुधवारी निवृत्ती नगरात उघडकीस आला आहे. वॉटरग्रेस कंपनीकडून जळगावकरांच्या पैशाची लूट होत आहे. या प्रकारानंतर शिवसेनेचे (शिंदे गट) जिल्हा प्रमुख नीलेश पाटील यांनी मनपा आयुक्त डॉ.विद्या गायकवाड यांच्या कानावर हा प्रकार घातला. भविष्यात असा प्रकार झाला तर मक्तेदाराला काळे फासण्याचा इशारा पाटील यांनी दिला आहे. दरम्यान, संबंधित मक्तेदाराला पाच हजार रुपयांचा दंड आकारण्यात आला असून कारणे दाखवा नोटीस बजावण्यात आली आहे.वॉटरग्रेस कंपनीने शहरातील साफसफाईचा मक्ता घेतलेला आहे. त्यांच्या कर्मचाऱ्यांकडून घरोघरी ओला व सुका कचरा संकलित केला जातो. त्याशिवाय कॉलनी व गल्ल्यांमध्ये उघड्यावर असलेला कचरा संकलित करुन तो शहराच्या बाहेर टाकला जातो. कचऱ्याच्या एकूण वजनावर कंपनीला मोबदला अदा केला जातो. वॉटरग्रेस कंपनी व महापालिका यांच्यात कचऱ्याचा करार झालेला आहे. एका टनासाठी ९७० रुपये असा मोबदला देण्यात येतो. शहरातून एका दिवसाला ३१० टनापेक्षा जास्त कचरा संकलित होत असल्याचे दाखविले जाते. कचऱ्यात माती भरुन वजन वाढविले जात असेल तर खरोखर कचरा किती असू शकतो, याचा अंदाज येतो. कचऱ्याच्या नावाने माती भरण्याचे उद्योग करुन एक प्रकारे जनतेच्या पैशाची लूट होत आहे.शिवसेनेचे (शिंदे गट) जिल्हा प्रमुख नीलेश पाटील यांनी केलेल्या तक्रारीची दखल घेऊन महापालिकेने करारनाम्यातील अटीशर्तीचे उल्लंघन केले म्हणून कंत्राटदारला जागेवरच पाच हजार रुपयांचा दंड केला आहे. त्याशिवाय गुरुवारी कारणे दाखवा नोटीस बजावली जाणार असल्याची माहिती महापालिकेचे सहायक आयुक्त उदय पाटील यांनी ‘लोकमत’ ला दिली.

Jalgaon (Marathi News)

आझादसिंग सुदानसिंग भाटीया (२८, रा. उमर्टी जि.बडवानी, मध्यप्रदेश ) असे या अटक करण्यात आलेल्या युवकाचे नाव आहे. ...

भवाळे येथे तपासकामासाठी गेलेल्या पोलिसांना धक्काबुक्की करण्यात आली. ...

या तरूणावर जिल्हा रूग्णालयात उपचार सुरू असून प्रकृती स्थिर असल्याची माहिती वैद्यकीय अधिका-यांनी दिली. ...

शहरातील जुन्या एमआयडीसीतील स्वाती विठ्ठल तायडे या तरुणीला तब्बल १ लाख २४ हजारांना गंडा घातला आहे. ...

संजय राऊत आज जिल्ह्यात असताना गुलाबराव पाटलांचा इशारा ...

याप्रकरणी एमआयडीसी पोलिसात अकस्मात मृत्यूची नोंद करण्यात आली आहे. ...