एक लाखांवर लोकांनी घेतला कोरोना प्रतिबंधात्मक लसीचा पहिला डोस

लोकमत न्यूज नेटवर्क

जळगाव : जिल्ह्यात कोरोना लसीचा पहिला डोस घेतलेल्यांची संख्या १ लाखांवर पोहोचली आहे. यात बहुतांश आरोग्य कर्मचारी व फ्रंट लाईन वर्कर्स यांनी दुसरा डोसही घेतला आहे. सद्यस्थिती कोविशिल्ड लसीचे १ लाखांवर डोस शिल्लक असून टप्प्याने ते प्राप्त होत असल्याने साठा पुरेसा असल्याची महािती आरोग्य विभागातून देण्यात आली. कोरोना प्रतिबंधात्मक लसीकरणाला जिल्ह्यात १६ जानेवारीला सुरूवात झाली होती. सुरवातीला महिनाभर याची गती अत्यंत संथ होती. मात्र, हळू हळू याचे प्रमाण वाढत गेले. लसीकरणाचा आता चौथा तिसरा टप्पा सुरू असून लवकरच चौथा टप्पा सुरू होणार आहे. पहिल्या टप्यात आरोग्य कर्मचारी, दुसऱ्या टप्प्यात फ्रंट लाईन वर्कर्स आणि तिसऱ्या टप्पयात ६० वर्षावरील ज्येष्ठ नागरीक आणि ४५ वर्षावरील अन्य व्याधी असलेल्या नागरिकांचा समावेश आहे.

डोसेस पुरेसे

जिल्ह्यात सुरूवातीपासून कोविशिल्ड लसीचे डोस दिले जात आहेत. यात जिल्ह्याला एकूण २ लाख २३०० डोस प्राप्त झाले आहेत. त्यापैकी १०४४० डोस शिल्ल्क आहेत. तर कोव्हॅक्सीनचे शंभरच डोस शिल्लक आहेत. जळगाव शहरात दोन केंद्रांवर दोन लस उपलब्ध आहेत. दरम्यान, कोविशिल्डचे डोस पुरेसे असल्याचे आरोग्य विभागाचे म्हणणे आहे.

केंद्र वाढविली

लसीकरणाची गती वाढविण्यासाठी केंद्र वाढविण्यात येत आहेत. शिवाय जळगाव शहरात महापालिकेची तीन तर जिल्हा रुग्णालयाकडून दोन लसीकरण केंद्र सुरू करण्यात आली आहे. खाासगी रुग्णालयांमनाही परवागनी दिली जात असून सर्व आरोग्यकेंद्रामध्येही लसीकरण सुरू करण्यात आले आहेत.

कोट

लसीकरणाची गती वाढविण्यासाठी जळगाव शहरात महापालिकेची तीन केंद्र आहेत. यात शाहू महाराज रुग्णालयात कोव्हॅक्सिनचा पहिला डोस असूनडीबी जैन रुग्णालय आणि नानी बाई रुग्णालयात कोविशिल्डचे डोस उपलब्ध आहेत. लस सुरक्षित असल्याने निकषात बसत असलेल्या नागरिकांनी लस घ्यावी - राम रावलानी, प्रमुख वैद्यकीय अधिकारी

आरोग्य कर्मचारी

पहिला डोस : २१७२५

दुसरा डोस : ९८६९

फ्रंट लाईन वर्कर

पहिला डोस २३९७८

दुसरा डोस : ४१०६

ज्येष्ठ नागरिक आणि अन्य व्याधी असलेले ४५ वर्षावरील नागरिक

पहिला डोस : ७९१८२