भुसावळच्या गुन्हेगारावर एमपीडीए

जळगाव : भुसावळ शहरातील सराईत गुन्हेगार निखील सुरेश राजपूत (३५,रा.श्रीराम नगर, भुसावळ) याच्यावर सोमवारी एमपीडीएची कारवाई झाली. जिल्हाधिकाऱ्यांनी आदेश पारीत करताच पोलीस अधीक्षक डॉ.प्रवीण मुंढे यांनी स्थानिक गुन्हे शाखेचे निरीक्षक किरणकुमार बकाले व सहकाऱ्यांना शस्त्रासह भुसावळात रवाना केले. बकाले यांनी रात्रीच राजपूत याला ताब्यात घेतले. इतर प्रक्रीया पूर्ण करुन त्याला नाशिक कारागृहात रवाना करण्याची प्रक्रीया उशिरापर्यंत सुरु होती.