मुलीच्या लग्नासाठी केली २६ दुचाकींची चोरी

>जळगाव : पुणे पोलीस आयुक्तालयात लिपिक असलेल्या सरफराज तडवी (रा.कुसुंबा ता.रावेर) याला जिल्हाधिकारी कार्यालयातील कर्मचाऱ्यांनी  जिल्हा उपनिबंधक कार्यालयात दुचाकी चोरताना रंगेहाथ पकडले. बिंग फुटल्याची जाणीव होताच त्याने आपण निलंबित पोलीस आहोत, अशी बतावणी केली. दरम्यान, त्याने जिल्हाधिकारी कार्यालय, उपनिबंधक कार्यालयात, जिल्हा रुग्णालय व न्यायालय आवारातून आतापर्यंत तब्बल २६ दुचाकी चोरल्या आहेत. मुलीच्या लग्नासाठी चोरी केल्याचे त्याने पोलिसांना सांगितले.