जळगाव विभागातर्फे लालपरीचा वर्धापनदिन साजरा

जळगाव : महाराष्ट्र राज्य मार्ग परिवहन महामंडळाच्या सेवेला ७३ वर्ष पूर्ण झाल्याबद्दल मंगळवारी जळगाव आगारात लालपरी वर्धापनदिन मोठ्या उत्साहात साजरा करण्यात आला. १ जून १९४८ रोजी नगर ते पुणे मार्गावर पहिली एसटी बस धावली होती.

त्या निमित्ताने दरवर्षी लालपरीचा या दिवशी वाढदिवस साजरा केला जातो. या दिवसा निमित्त जळगाव आगारात असलेल्या लालपरीच्या प्रतिकृतीची पूजा करण्यात आली. तसेस एसटी बसला माल्यार्पण करण्यात आले. यावेळी आगार व्यवस्थापक प्रज्ञेश बोरसे, नीलेश पाटील, जिल्हा सुरक्षा व दक्षता अधिकारी के. डी. सोलंकी, प्रवीण कुमावत, अश्विनी कुमावत यांच्यासह अधिकारी व कर्मचारी उपस्थित होते. कार्यक्रमाचे सूत्रसंचालन गोपाल पाटील यांनी तर आभार प्रदर्शन गणेश शर्मा यांनी केले.