जळगाव जिल्ह्यात गतवर्षी १७ जूनपर्यंत झाला होता २७ मिमी पाऊस

पावसाळ्याच्या १५३ पैकी सरासरी ६३ दिवसच पर्जंन्यवृष्टी

जळगाव : हवामानातील बदलामुळे पावसाचे दिवस कमी होत आहेत. पावसात खंड पडण्याचे प्रमाण वाढले आहे. गतवर्षी पावसाळ्याच्या १५३ दिवसांपैकी जेमतेम ६३ दिवसच पावसाने हजेरी लावलीे. तरीही गत वर्षी १७ जूनपर्यंत २७.१ मिमी पाऊस झाला होता. यंदा मात्र जेमतेम २.७ मिमी पाऊस नोंदला गेला असून पावसाचे आगमन जूनच्या शेवटच्या आठवड्यात होण्याचे संकेत मिळत आहेत.बदलत्या हवामानामुळे पिकांच्या पारंपरीक लागवडपद्धतीवरही विपरित परिणाम होत असून पाऊस लांबल्याने उडीद-मूग लागवड घटण्याची शक्यता आहे.असे मोजतात पर्जन्यमानजिल्ह्यात महसूल प्रशासनाने ८६ मंडळांच्या ठिकाणी पर्जन्यमापक यंत्र बसविले आहेत. या पर्जन्य मापकाचा एक भाग जमिनीत असतो. तर या पर्जन्यमापकातील भांड्यात जमलेले पाणी चुंचुपात्रात घेऊन मोजले जाते. त्यावरून किती पाऊस झाला? ते कळते.पावसाळ्यातील ९० दिवस होते कोरडे२.५ मिमीपेक्षा कमी अथवा काहीही पाऊस न झालेला दिवस हा कोरडा दिवस म्हणून समजला जातो. मागील वर्षी मागील वर्षी १ जून २०१८ ते ३१ आॅक्टोबर २०१८ या १५३ दिवसांच्या कालावधीत जिल्ह्यात सरासरी ९० दिवस पावसाने दडी मारली. म्हणजेच इतके दिवस कोरडे गेले.तालुकानिहाय कोरडे दिवसजळगाव- ९७भुसावळ-१०१यावल- ९४रावेर-९०मुक्ताईनगर- १०८अमळनेर-१०५चोपडा-८४एरंडोल-८९पारोळा-९६चाळीसगाव-१०८जामनेर-८३पाचोरा-८९भडगाव-९६धरणगाव-९३बोदवड-१०६