दापोरा हद्दीतून मुरुम व दगडाचे अवैध उत्खनन

दापोरा ता.जळगाव : दापोरा येथील गट नं. २१० मध्ये मोठ्या प्रमाणात ग्रामपंचायतीच्या मालकीचे क्षेत्र आहे. त्यातील मुरुमाचे, तसेच दगडाचेही अवैधरीत्या उत्खनन सुरू आहे, यामुळे परिसरात अनेक मोठ्या खदानी निर्माण झाल्याचे दिसून येत आहे. त्यावर महसूल प्रशासनाने नियंत्रण आणावे, अशी मागणी होत आहे. दापोरा हद्दीत सुरू असलेल्या अवैध उत्खननामुळे मोठा महसूल बुडत असून, ग्रामपंचायतीलाही कोणतेही उत्पन्न नाही. तरीही हे अवैध उत्खनन कोणाच्या आशीर्वादाने सुरू आहे, असा प्रश्न उपस्थित केला जात आहे.

दापोरा गावठाण हद्दीत सुरू असलेल्या मुरुम व दगडाच्या अवैध उत्खननासाठी ग्रामपंचायतीचे ठराव घेऊन काही वेळा परवानगी घेतली जाते. मात्र, बऱ्याच वेळा कोणताही परवाना नसताना उत्खनन सुरू असते. यावर मागील आठवड्यात झालेल्या ग्रामसभेत उत्खनन बंद करण्याविषयी ठराव करावा, अशी मागणी झाली. मात्र, पदाधिकाऱ्यांनी जबाबदारी टाळत पूर्वीपासूनच उत्खनन सुरू असल्याचे सांगत वेळ मारून नेली. हे अवैध उत्खनन केव्हा बंद होईल, असा प्रश्न उपस्थित होत आहे.

कोट –

दापोरा हद्दीत अनेक मुरुम व दगडाच्या उत्खननामुळे खदानी तयार झाल्या आहेत. यापासून ग्रामपंचायतीस कोणतेही उत्पन्न नाही, तरीही यास कोणाचा आशीर्वाद आहे, यासाठी ग्रामपंचायतीकडून ठराव दिला असेल, तर तो रद्द करण्यासाठी ग्रामसभेत चर्चा करण्यात येईल.

– मगलसिंग सोनवणे, ग्रा.पं. सदस्य, दापोरा.

फोटो कॅप्शन-

दापोरा येथील अवैध मुरुम व दगडाचे अशा प्रकारे उत्खनन केले जात असून, मोठ्या खदानी निर्माण झाल्या आहेत.