महात्मा गांधींना अभिवादन

जळगाव : येथील श्रीराम माध्यामिक विद्यालयात महात्मा गांधी यांच्या पुण्यतिथीनिमित्त मुख्याध्यापक दिवाकर जोशी व अतुल चाटे यांच्याहस्ते गांधीजींच्या प्रतिमेला पुष्पहार अर्पण करून अभिवादन करण्यात आले. यावेळी विद्यार्थ्यांना भगतसिंग, राजगुरू व सुखदेव यांच्या जीवनकार्याचींही माहिती देण्यात आली. सूत्रसंचालन अतुल चाटे यांनी तर आभार राजश्री तायडे यांनी मानले.

बालनिकेतन विद्यामंदिर

जळगाव : प्रगती शिक्षण मंडळ संचलित कमल राजाराम वाणी बालनिकेतन विद्यामंदिरात बालवाडी शिक्षिका ज्योती सपकाळे यांच्या हस्ते महात्मा गांधीजींच्या प्रतिमेला पुष्पहार अर्पण करुन अभिवादन करण्यात आले. यावेळी मुख्याध्यापक डॉ. रवींद्र माळी, नीलेश नाईक, श्रीकांत पाटील आदी शिक्षक उपस्थित होते. यशस्वीतेसाठी उज्ज्वला जाधव, वंदना नेहते, रशिदा तडवी, राहुल धनगर, राजेंद्र पवार आदींनी परिश्रम घेतले

महाराणा प्रताप विद्यालय

जळगाव : दि. पूर्व खान्देश हिंदी शिक्षण संस्था संचलित महाराणा प्रताप माध्यामिक व उच्च माध्यामिक विद्यालयात शनिवारी महात्मा गांधी यांच्या प्रतिमेला मुख्याध्यापिका साधना शर्मा यांच्याहस्ते पुष्पहार अर्पण करुन अभिवादन करण्यात आले. यावेळी उपशिक्षक संजय चौधरी, उपमुख्याध्यापक डी. एस. पाटील, पर्यवेक्षक डी. बी. सोनवणे, विभागप्रमुख गजेंद्र पाटील आदी शिक्षक उपस्थित होते.

राष्ट्रवादी काँग्रेस पार्टी

जळगाव : महात्मा गांधी यांच्या पुण्यतिथी निमित्त राष्ट्रवादी जिल्हा काँग्रेस पक्षाचे समन्वयक विकास पवार, महिला जिल्हाध्यक्षा कल्पना पाटील यांच्याहस्ते गांधीजींच्या प्रतिमेला पुष्पहार अर्पण करुन अभिवादन करण्यात आले. यावेळी माजी नगरसेवक अशोक लाडवंजारी यांच्यासह सेवादलाचे

जिल्हाध्यक्ष वाय एस. महाजन, मीनाक्षी चव्हाण, संजय पाटील आदी पदाधिकारी उपस्थित होते.