फडणवीस खडसेंच्या घरी कोथळीत तर खडसे मुंबईत

विरोधी पक्षनेते देवेंद्र फडणवीस मंगळवारी जळगाव जिल्हा दौऱ्यावर आहेत. मुक्ताईनगर तालुक्यातील तापी-पूर्णा खोऱ्यातील वादळ, वारा व पावसामुळे शेतकऱ्यांच्या केळी पिकाच्या नुकसानाची त्यांनी पहाणी केली. तत्पूर्वी सकाळी अकरा वाजून पाच मिनिटांनी खासदार रक्षा खडसे यांच्या निवासस्थानी कोथळीत पोहोचले. त्यांच्यासोबत गिरीश महाजन, खासदार उन्मेष पाटील, आमदार मंगेश चव्हाण, आमदार संजय सावकारे, मलकापूरचे माजी आमदार चैनसुख संचेती आदी उपस्थित होते. सुमारे २० मिनिटे फडणवीस हे मुक्ताई सदनात थांबले होते.

फडणवीस खडसे यांच्या निवासस्थानी, या वृत्ताने अनेकांच्या भुवया उंचावल्या. खडसे आणि फडणवीस यांच्यामधील बेबनाव व त्यातून खडसे यांनी भाजपात असतानाही वारंवार फडणवीस यांना लक्ष केले होते. खडसे यांचा राष्ट्रवादीत प्रवेश केल्यानंतरही एकनाथ खडसे हे फडणवीस यांनी दिलेल्या राजकीय जखमांचे वारंवार उल्लेख करतात. या जखमा ताज्या असताना आज फडणवीस यांची खडसे यांच्या घरी भेट राजकीयदृष्ट्या अनेक संकेत देत आहे. रक्षा खडसे या एकनाथ खडसेंच्या स्नुषा असून, त्या भाजपच्या खासदार आहेत. रक्षा खडसेंच्या भेटीसाठीच फडणवीस हे खडसे परिवाराच्या घरी गेले होते, असे सांगण्यात येते.

===Photopath===

010621\01jal_20_01062021_12.jpg

===Caption===

खडसे यांच्या निवासस्थानी  आलेले देवेंद फडणवीस व गिरीश महाजन. यावेळी सोबत रक्षा खडसे.