खंडणी प्रकरणात तिसरा आरोपी ताब्यात

भुसावळ: अश्लील क्लीप महिलेला पाठविल्यानंतर त्या बदल्यात तडजोडीपोटी पाच लाख रुपये न दिल्याने व्यापाऱ्यास मारहाण करीत बळजबरीने नोटरीद्वारे १८ लाख रुपये किमतीची कार बळकविण्यात आल्याची घटना शहरातील वरणगाव रोडवरील हॉटेल सायलीजवळ २९ जुलै रोजी घडली होती. या प्रकरणी दाखल गुन्ह्यातील सात आरोपींपैकी दोघांना अगोदरच अटक करण्यात आली तर सोमवारी आणखी एका आरोपीस अटक करण्यात आली आहे.

या गुन्ह्यातील तिसरा संशयित आरोपी अजय गिरधारी गोडाले (वय ३०, रा. साकरी फाटा) हा आहे. आहे. व्यापारी नीलेश दिगंबर चौधरी (वय ४८, श्रीनगर, लोणारी हॉलजवळ, भुसावळ) यांनी याप्रकरणी तक्रार दिली आहे. यानुसार लीना तल्लारे व अजय गोडाले तसेच अन्य काहींनी अश्लील क्लीपच्या तडजोडीपोटी पाच लाख रुपयांची मागणी केली. मात्र रक्कम देण्यास नकार दिल्यानंतर आरोपी पचेरवाल याने फिर्यादीस मारहाण करीत जिवंत सोडणार नाही, अशी धमकी दिली. तसेच तल्लारे यांनी नोटरी करणाऱ्या वकिलाला बोलावत जबरदस्तीने १८ लाखांची टाटा हॅरीयर गाडी (एम.एच.१९ सी.व्ही.६४८७) ही तल्लारे यांना विक्री केल्याचे कागदपत्रे बनवत गाडी जबरदस्तीने घेऊन गेले होते. या प्रकरणी लीना तल्लारेसह सात संशयितांविरोधात गुन्हा दाखल आहे.

पोलीस उपअधीक्षक सोमनाथ वाघचौरे, निरीक्षक दिलीप भागवत यांच्या मार्गदर्शनाखाली सहाय्यक पोलीस निरीक्षक गणेश धुमाळ, रवींद्र बिऱ्हाडे, रमन सुरळकर, विकास सातदिवे, उमाकांत पाटील, प्रशांत परदेशी, ईश्वर भालेराव, योगेश माळी, जीवन कापडे, परेश बिऱ्हाडे आदींच्या पथकाने कारवाई केली.