जळगाव : कवयित्री बहिणाबाई चौधरी उत्तर महाराष्ट्र विद्यापीठातील विधी अधिकारी यांची नियुक्ती फक्त्त पाच वर्षांसाठी तात्पुरत्या स्वरूपात असल्याने व सदरचा कालावधी संपून बराचकाळ लोटला असल्यामुळे त्यांची विद्यापीठातील विधी अधिकारी पदावरील सेवा तातडीने समाप्त करावी, अशी मागणी कृतिगट संघटनेच्यावतीने करण्यात आली आहे.
विद्यापीठासाठी कायदा अधिकारी हे पद फक्त तात्पुरत्या स्वरूपात पाच वर्षांसाठी भरण्यात आले होते. पाच वर्षाचा कालावधी पूर्ण झाल्यानंतर नव्याने जाहिरात प्रकाशित करून पुन्हा या पदासाठी नव्याने मुलाखती घेऊन नेमणूक करणे गरजेचे होते. तथापि, विधी अधिकारी डॉ.भादलीकर यांच्याबाबत तसे काही करण्यात आलेले नाही. त्यांची कुलगुरु निवड शोध प्रक्रिया समितीवर समन्वय अधिकारी नेमणूक करणे चुकीचे आहे, असा आक्षेप कृतिगटाने घेतला आहे.