हिवरे येथील लहान पुलाचे पालकमंत्र्यांच्या हस्ते लोकार्पण

गावागावांच्या विकासासाठी सतत प्रयत्नशील - ना. गुलाबराव पाटील

धरणगाव : गावांच्या विकासासाठी आपण कटिबद्ध असून जनतेच्या विश्वासाला तडा जाऊ देणार नाही. कोरोनाच्या प्रतिकूल परिस्थितीतसुद्धा गावागावांच्या विकासासाठी सतत प्रयत्नशील असल्याचे प्रतिपादन पालकमंत्री गुलाबराव पाटील यांनी केले.

ते विवरे येथे लहान पुलाच्या लोकार्पणप्रसंगी बोलत होते. कार्यक्रमाच्या अध्यक्षस्थानी सरपंच किरण पाटील होते. मागील काळात पालकमंत्री गुलाबराव पाटील यांनी विवरे येथील लहान पुलाच्या कामासाठी शासनाच्या नाबार्डमधून ४५ लक्ष निधी तर जिल्हा वार्षिक योजनेच्या नावीन्यपूर्णमधून ३५ लक्ष असा एकूण ८० लाख निधी या दोन गावांना जोडणाऱ्या पुलाच्या कामासाठी मंजूर केला होता. या पुलाचे लोकार्पण पालकमंत्री गुलाबराव पाटील यांच्याहस्ते करण्यात आले. याप्रसंगी गुलाबराव पाटील यांनी विवरे येथे पेव्हिंग ब्लॉक व काँक्रिटीकरणासाठी निधी देणार असल्याचे घोषित केले.

याप्रसंगी विवरे सरपंच किरण पाटील, भगवान महाजन, माजी उपसभापती डी. ओ. पाटील, उपतालुकाप्रमुख मोतीआप्पा पाटील, माजी सभापती दीपक सोनवणे, अमोल पाटील, न.पा. गटनेते पप्पू भावे, प्रमोदबापू पिंपळे, उपसरपंच नितीन पाटील, मोहन महाजन, भानुदास पाटील, सुधाकर पाटील आदी उपस्थित होते.

220821\1622-img-20210822-wa0056.jpg

पुलाचे लोकार्पण पालकमंत्री गुलाबराव पाटील यांच्या हस्ते व मान्यवरांच्या उपस्थितीत करण्यात आले