स्टेट बँक, पोस्ट कार्यालय व रेल्वे स्टेशनवर 10 रुपयांचे नाणे घेण्यास नकार

ग्राहकांची गैरसोय : महाराष्ट्र बँकेत 100 रुपयाला पाच रुपये ‘चाजर्’

ऑनलाईन लोकमत

जळगाव,दि.29 - दहा रुपयांचे नाणे ग्राहकांकडून घेतले  जात नसल्याने नागरिकांची चांगलीच अडचण झाली आहे. स्टेट बँक, पोस्ट ऑफिस, रेल्वे स्टेशन या ठिकाणी नाणे स्वीकारले जात नसल्याचे ‘लोकमत’ केलेल्या स्टिंग ऑपरेशनमध्य उघड झाले आहे. महाराष्ट्र बँकेच्या नवीपेठ शाखेत तर चक्क दहा रुपयाचे नाणे असल्यास 100 रुपयाला पाच रुपये प्रमाणे चार्ज लागेल असे सांगण्यात आल़े

दुकानदार, पानटपरीधारक यांच्याकडे मोठय़ा प्रमाणावर जमा झालेली 10 रुपयांची नाणी बँकामध्येही स्वीकारली जात नसल्याची स्थिती आह़े तक्रार केल्यानंतरही दखल घेतली जात नसल्याने नागरिकासमोर दहा रुपयांचे नाणे एक-एक करून खर्च करण्याशिवाय दुसरा कुठलाही पर्याय उरलेला नाही़ याबाबत ‘लोकमत’ने सोमवारी स्टेट बँक ऑफ इंडिया, रेल्वे स्टेशन, पोस्ट ऑफिस, महावितरण, बसस्टॅण्ड याठिकाणी दहा रुपयांचे नाणे किती व कसे स्वीकारले जातात याबाबत स्टिंग केले असता बँकाकडून नाणे घेण्यास स्पष्ट नकार देण्यात आला.

स्टेट बँक म्हणते आम्हालाच ग्राहकांना सुटे पैसे खपवायचेय

‘लोकमत’ प्रतिनिधीने दहा रुपयांच्या नाण्यांबाबत स्टेट बँक ऑफ इंडियाची मुख्य शाखा गाठली़ दहा रुपयांचे दोन हजाराचे नाणे जमा करायचे आहेत, घेणार का? असा प्रश्न  कॅशिअरला केला असता नाणे घेण्यास स्पष्ट नकार दिला़ आमच्याकडे मोठय़ा प्रमाणावर दोन रुपये, पाच व दहा रुपयांची चिल्लर ग्राहकांना खपविण्यासाठी आली आह़े त्यामुळे आम्ही तुमच्याकडून दहा रुपयांची चिल्लर घेऊन शकत नाही़ तुमचे महाराष्ट्र बँकेत खाते आहे ना? मग त्यांना चिल्लर घेण्याबाबत सांगा, जर ते घेत नसतील तर लेखी लिहून घ्या किंवा रिझव्र्ह बँकेला फोन लावतो म्हणून सांगा, असा सल्ला येथील कॅशिअरने दिला़