बेकायदेशीर कत्तलखाना चालविणाऱ्या दोघांवर गुन्हा

रेल्वे रुळाच्या शेजारी जपान जीन भागात सलीम अहमद सुलेमान कुरेशी हा बेकायदेशीर कत्तलखाना चालवीत असून, बकरी ईदनिमित्त बंदी असलेल्या सशक्त गुरांना त्याने बांधून ठेवल्याची माहिती पोलीस निरीक्षक जयपाल हिरे यांना मिळाल्यावरून त्यांनी दि. २० रोजी पहाटे चार वाजेच्या सुमारास पोलीस उपनिरीक्षक राहुल लबडे, हेडकॉन्स्टेबल संजय पाटील, हेडकॉन्स्टेबल किशोर पाटील, सुनील पाटील, पोलीस नाईक शरद पाटील, कैलास शिंदे, हितेश चिंचोरे, रेखा ईशी, रवींद्र पाटील, दीपक माळी, सूर्यकांत साळुंखे, सुनील पाटील यांना सोबत घेऊन जपान जीन परिसरात शेत गटनंबर ४८ मध्ये छापा टाकला असता सलीम अन्सारी याने २ लाख ४३ हजार रुपये किमतीचे २६ बैल व गोऱ्हे भुकेल्या अवस्थेत बांधून ठेवले होते. दि.२१ रोजी साजऱ्या होणाऱ्या बकरी ईदला हत्येसाठी ते आणले होते. त्याचवेळी तेथे हसनखा गुलाबखा कुरेशी आला व सलीम याने ही गुरे आम्हा दोघांच्या मालकीची असल्याचे सांगितले. पोलिसांनी दोघांना ताब्यात घेऊन त्यांच्याविरुद्ध प्राणी संरक्षण अधिनियम कायद्यानुसार गुन्हा नोंदविण्यात आला असून, सर्व गुरे कांतीलाल झवेरी या गोशाळेत पालन पोषणासाठी पोहोचविण्यात आली. आषाढी एकादशीला पोलीस निरीक्षक हिरे यांनी कारवाई करून गुरांचे प्राण वाचविल्याबद्दल शेतकरी व नागरिकांनी त्यांचे कौतुक केले आहे.

200721\20jal_11_20072021_12.jpg

बेकायदेशीर कत्तलखाना चालवणाऱ्या आरोपी कुरेशी सोबत पोलीस निरीक्षक जयपाल हिरे व हेडकॉन्स्टेबल किशोर पाटील. (छाया : अंबिका फोटो)