मोबाईल चोरीच्या गुन्ह्यातील संशयितांवर देशभरात गुन्हे

हे तिन्ही संशयित इतर राज्यात चोरी करुन तो मुद्देमाल विदेशात पाठवत असल्याचे उघड झाले आहे. समीर शहा मुस्तफा देवान (वय 28 रा.पकोईटोला, ता.छोडादानी जि.मोतीहरी, बिहार), मिंटूकुमार देविकांत ठाकूर (वय 22 रा.बिसपुर,ता.छोडादानी जि.मोतीहरी, बिहार) व अब्दुल कदीर इस्लाम देवान (वय 28 रा.छोडादानी जि.मोतीहरी, बिहार) या तिघांना जिल्हा पेठ पोलिसांनी औरंगाबाद येथील कारागृहातून जळगावच्या गुन्ह्यात वर्ग केले. 

अटक केलेले तिन्ही गुन्हेगार हे आंतरराष्ट्रीय टोळीतील सदस्य आहेत. वेगवेगळ्या राज्यात चोरी करुन तो माल विदेशात विक्री करीत असल्याचे उघड झाले आहे. जळगावातील 108 मोबाईलचा डम डाटा तपासला असता ते मोबाईल नेपाळमध्ये अॅक्टीवेट झाल्याचे निष्पन्न झाले आहे.