तेरा दिवसांत कोरोनाचे तिसऱ्यांदा ‘तेरावे’ (शेवटी ११ दिवसांचीच आकडेवारी आहे. १२ आणि १३ चे काय?)

जळगाव : कोरोनाचा संसर्ग सर्वत्र कमी होत असून मंगळवारी जळगाव शहरात कोरोनाचा एकही रुग्ण आढळून आलेला नाही. गेल्या तेरा दिवसांत कोरोनाला तिसऱ्यांदा जळगाव शहरातून भोपळा मिळाला आहे. दरम्यान, तीन रुग्ण बरे झाल्यानंतर शहरातील सक्रिय रुग्णांची संख्या ही ४० वर आली आहे.

१ जुलै आणि ५ जुलै रोजी जळगाव शहरात एकही कोरोना रुग्ण आढळून आलेला नव्हता. विशेष बाब म्हणजे पूर्ण जळगाव तालुक्यातच मंगळवारी एकही बाधित किंवा मृत्यू झालेला नाही. जुलैत हा नीचांक नोंदविला गेला आहे. याआधी २२ मे २०२० रोजी जिल्हाभरात एकही कोरोना रुग्ण आढळला नव्हता. त्यानंतर मात्र, असे कधीच झाले नव्हते. मंगळवारी आरटीपीसीआरचे १६८१ अहवाल समोर आले. त्यातील ३ अहवाल हे पॉझिटिव्ह आले आहेत. तर अँटिजनच्या २३६५ चाचण्या झाल्या असून, यातही ३ बाधित समोर आले आहेत. जिल्ह्याची पॉझिटिव्हिटी प्रथमच ९८ टक्क्यांवर पोहोचली आहे. तर सक्रिय रुग्णांची संख्याही २३७ ही दोनही लाटांमधील नीचांकी नोंदविण्यात आली आहे. होम आयसोलेशनमध्ये २९ रुग्ण असून, ९ रुग्ण कोविड केअर सेंटरमध्ये उपचार घेत आहेत. गेल्या तेरा दिवसांत जिल्हाभरात २८ कोरोना रुग्ण आढळून आले आहेत. सरासरी रोज २ ते ३ रुग्ण आढळून येत आहेत.

शहराची तेरा दिवसांची स्थिती

१ जुलै ० रुग्ण, ० मृत्यू

२ जुलै ३ रुग्ण, ० मृत्यू

३ जुलै ४ रुग्ण, ० मृत्यू

४ जुलै २ रुग्ण, ० मृत्यू

५ जुलै ० रुग्ण, ० मृत्यू

६ जुलै ५ रुग्ण, ० मृत्यू

७ जुलै ४ रुग्ण, ० मृत्यू

८ जुलै ४ रुग्ण, ०० मृत्यू

९ जुलै २ रुग्ण, ०० मृत्यू

१० जुलै ४ रुग्ण, ०० मृत्यू

११ जुलै ३ रुग्ण, ०० मृत्यू