भारतीय तत्वज्ञान दिवस साजरा

०००००००००००

योग शिबिर उत्साहात

जळगाव - लीनेस क्लब आणि फेसबुक ग्रुप मैत्रिणींचे यांच्या संयुक्त विद्यमाने आयाेजित सात दिवसीय ऑनलाइन योग शिबिर नुकतेच पार पडले. अर्चना काबरा-जाखेटे यांनी शिबिरात सहभागी महिलांना विविध प्रकारची योगासने आणि प्राणायामचे प्रशिक्षण दिले. प्रिती कर्नावट, निवेदिता पाटील, गीता जाखेटे आदींचा शिबिरात सहभाग होता.

०००००००००००

अण्णाभाऊ साठे पुण्यतिथी साजरी

जळगाव -आर.आर. विद्यालयात नुकतीच लोकशाहीर अण्णाभाऊ साठे पुण्यतिथी साजरी करण्यात आली. ज्येष्ठ शिक्षक डी.बी.पांढरे यांच्याहस्ते प्रतिमा पूजनाचा कार्यक्रम पार पडला. याप्रसंगी परेश श्रावगी, डी.टी.पाटील, व्ही.एस.बिंदवाल, कोमल वंजारी, जी.जे.सोनवणे, जी.आर.महाजन, आर.बी.महाजन, आर.एस.सोनवणे, योगेश न्हासदे, लिना तायडे, कल्पना माळी, राजश्री भदाणे आदी उपस्थित होते.

०००००००००००

सरस्वती स्कूल येथे वृक्षारोपण

जळगाव - श्री माता मनुदेवी बहुउद्देशिय संस्था संचलित सरस्वती इंटरनॅशनल इंग्लिश मीडियम स्कूल येथे नुकताच वृक्षारोपणाचा कार्यक्रम पार पडला. यावेळी संस्थेचे चेअरमन मुकेश सोनवणे, सचिव निकीता सोनवणे तसेच शिक्षकांची उपस्थिती होती.

००००००००००००

पालकांसाठी ऑनलाइन व्याख्यान

जळगाव - ए.टी.झांबरे माध्यमिक विद्यालयाच्यावतीने पालकांसाठी ऑनलाईन व्याख्यानाचे आयोजन करण्यात आले होते. या व्याख्यानांमध्ये सोनल महाजन यांनी कोरोनाची तिसरी लाट आणि आपल्या मुलांचे आरोग्य यावर व्याख्यान दिले. सूत्रसंचालन पराग राणे यांनी केले तर आभार माधुरी भंगाळे यांनी केले.