वाहक गोपाळ पाटील यांचा सत्कार

देशभक्तीपर गितांची स्पर्धा उत्साहात

जळगाव : शिवाजीनगरात शाैर्य महिला बचत गट, गणेश क्रीडा संस्था व दत्तगुरू संस्थेतर्फे महिलासांठी हळदी कुंकू व लहान मुलांसाठी देशभक्तीपर गितांच्या स्पर्धा उत्साहात पार पडल्या. यावेळी महापौर भारती सोनवणे, रंजना सपकाळे व उज्वला बाविस्कर यांच्याहस्ते विजेत्यांना बक्षिस देऊन गौरविण्यात आले. ज्योत्स्ना दारकुंडे यांनी या स्पर्धेचे आयोजन केले होते.

विनातिकीट प्रवाशांकडून ९८ हजारांचा दंड वसुल

जळगाव : भुसावळ रेल्वे प्रशासनातर्फे नुकत्याच विनातिकीट प्रवाशांविरोधात राबविलेल्या मोहिमेत विनातिकीट १६८ प्रवाशांकडून ९८ हजार ६५ रुपये दंड वसुल केला आहे. सिनिअर डीसीएम युवराज पाटील यांच्या सुचनेनुसार १६ तिकीट निरीक्षकांनी ही कारवाई केली. या कारवाईमुळे विनातिकीट प्रवास करणाऱ्या प्रवाशांचे दाबे चांगलेच दणदणाणले आहे.

भुसावळ विभागातून ३८ कर्मचारी सेवानिवृत्त

जळगाव : भुसावळ रेल्वे विभागातून विविध विभागातील ३८ कर्मचारी नुकतेच सेवा निवृत्त झाले आहेत. सेवानिवृत्ती निमित्त डीआरएम विवेककुमार गुप्ता, एडीआरएम मनोज कुमार सिन्हा, वरिष्ठ कार्मिक अधिकारी एन. डी. गांगुर्डे यांनी शुभेच्छा दिल्या आहेत. तसेच या कर्मचाऱ्यांचा स्थानिक स्टेशन प्रशासनातर्फेही सत्कार करण्यात आला.

पॅसेंजर सुरू करण्याची मागणी

जळगाव : मुंबईत सर्व सामान्य प्रवाशासांठी लोकल सेवा सुरू करण्यात येत असल्याने, शासनाने आता भुसावळ विभागातील पॅसेंजरही सुरू कराव्यात, अशी मागणी प्रवाशांमधुन होत आहे. पॅसेंजर बंद असल्यामुळे चाकर मानी प्रवाशांची सर्वांधिक हाल होत असून, खाजगी वाहतूकीने जादा पैसे मोजून प्रवास करावा लागत आहे.

किरण ठाकूर यांची निवड

जळगाव : छावा मराठा युवा महासंघ विद्यार्थी आघाडीच्या जिल्हा उपाध्यक्षपदी किरण ठाकूर यांची निवड करण्यात आली आहे. तसेच कार्यकारणी सदस्यपदी प्रांजल नेमाडे व सागर मोतीराळे यांची निवड करण्यात आली. जिल्हाध्यक्ष अमोल कोल्हे यांनी त्यांची निवड केली.

पथदिवे लावण्याची मागणी

जळगाव : सुप्रीम कॉलनीतील प्रभाग क्रमांक १९ मध्ये पथदिवे नसल्यामुळे रात्रीच्या वेळी नागरिकांना अडचणींचा सामना करावा लागत आहे. तरी प्रशासनाला तातडीने पथदिवे लावण्याबाबत आदेश देण्यात यावेत, अशी मागणी प्रभाग समिती सदस्य विठ्ठल पाटील यांनी महापौर भारती सोनवणे यांच्याकडे पत्राद्वारे केली आहे.

विनोद प्रजापत यांची निवड

जळगाव : लहुजी बिग्रेड संस्थापक सुरेश अंभोरे यांनी गायक कलावंत सेलच्या प्रदेशध्यक्षपदी विनोद प्रजापत तर सरचिटणीस पदी दिपा तापडीया यांची निवड केली आहे. यावेळी अल्पसंख्याक सेलचे प्रदेश अध्यक्ष शेरखान, शाम जगताप, द्धारकादास सोनी, सलीम शेख, सतीश बाटुंगे, सागर वायकोळे, संजय अंभोरे, दर्शन तापडीया आदी मान्यवर उपस्थित होते.

अलफैज उर्दु हायस्कुलमध्ये वृक्षारोपण

जळगाव : अलफैज उर्दु हायस्कुलमध्ये शाळेचे चेअरमन मुश्ताक सालार यांच्याहस्ते वृक्षारोपण करण्यात आले. यावेळी मुख्याध्यापक पठाण आसिफ खान, शेख तौफिक, शेख नबाब, जाहिद खान, शेख वकार, शेख आवेस आदी शिक्षकवृंद उपस्थित होते.