अश्विनी काटोले, निखिल महालेची बाजी

लोकमत न्यूज नेटवर्क

जळगाव : अखिल भारतीय विद्यार्थी परिषदेच्या वतीने सोमवारी सकाळी विद्यार्थ्यांसाठी १,६०० तर विद्यार्थिनींसाठी ८०० मीटर धावण्याची स्पर्धा मेहरूण ट्रॅकवर घेण्यात आली. यामध्ये अश्विनी काटोले व निखिल महाले या विद्यार्थ्यांनी बाजी मारली.

एकलव्य आयाम प्रांत संयोजक रितेश चौधरी यांच्या उपस्थितीत सकाळी मेहरूण तलावावर या स्पर्धेचे आयोजन करण्यात आले होते. यावेळी स्पर्धेचे प्रमुख सौरभ भोई, जे.जे. ग्रुपचे संस्थापक जयंत चौधरी, निखिल राजपूत आदींची उपस्थिती होती. अभाविपचा ध्वज दाखवून स्पर्धेची सुरुवात करण्यात आली होती. स्पर्धा पूर्ण झाल्यानंतर विजेत्यांची घोषणा करण्यात आली. स्पर्धेच्या यशस्वीतेसाठी सारंग पाटील, पवन भोई, जितेश चौधरी, चिराग तायडे, मुकुंदा पाटील, आशिष महाजन, दर्शन पाटील आदी कार्यकर्त्यांनी परिश्रम घेतले.

यांनी मारली बाजी

- ८०० मीटर धावणे

प्रथम - अश्विनी काटोले

द्वितीय- उज्ज्वला बारी

तृतीय - वैशाली कोळी

-१,६०० मीटर धावणे

प्रथम - निखिल महाले

द्वितीय - सौरभ कुंभार

तृतीय - द्रुपद पाटील