अर्जुन शेळके सेवानिवृत्त

मुकेश कोचुरे यांची निवड

जळगाव : रिपब्लिकन पार्टी ऑफ इंडियाच्या(खरात गट) जळगाव शहर युवक अध्यक्षपदी मुकेश कोचुरे यांची निवड करण्यात आली आहे. जिल्हाध्यक्ष जे. डी. भालेराव यांच्या हस्ते त्यांना नियुक्तीचे पत्र देण्यात आले. यावेळी इतर पदाधिकारी उपस्थित होते.

मनपातर्फे कुत्र्यांवर निर्बीजीकरणाच्या शस्त्रक्रियेसाठी निविदा

जळगाव : सामाजिक कार्यकर्ते वासुदेव कुकरेजा यांनी मोकाट कुत्र्यांचा बंदोबस्त करण्याबाबत मनपा प्रशासनाकडे पत्रव्यवहार केला असता, सहायक आयुक्त पवन पाटील यांनी कुकरेजा यांना पत्र पाठवून मोकाट कुत्र्यांवर निर्बीजीकरणाच्या शस्त्रक्रियेसाठी मनपातर्फे निविदा काढण्यात आली असल्याचे कळविले आहे. निविदा प्रक्रियेनंतर मोकाट कुत्र्यांवर निर्बीजीकरणाची शस्त्रक्रिया केली जाणार आहे.

समता जागृती संस्थेतर्फे अहिल्यादेवी होळकरांना अभिवादन

जळगाव : समता जागृती बहुउद्देशीय संस्थेतर्फे अहिल्यादेवी होळकरांच्या पुण्यतिथीनिमित्त त्यांच्या प्रतिमेला संस्थेचे अध्यक्ष यशवंत घोडेस्वार यांच्या हस्ते पुष्पहार अर्पण करून अभिवादन करण्यात आले. यावेळी आनंदा तायडे, गौतम सपकाळे, नाना डोंगरे, सिद्धार्थ तायडे, सागर घोडेस्वार, विकास तायडे, आशाबाई तायडे, शशिकला घोडेस्वार, रेखा सपकाळे, रत्नाबाई तायडे, अलकाबाई आढंगे आदी पदाधिकारी उपस्थित होते.

महाव्यवस्थापकांच्या दौऱ्यामुळे स्टेशनवर स्वच्छता

जळगाव : मध्य रेल्वेचे अतिरिक्त महाव्यवस्थापक आलोक बंसल हे मंगळवारी भुसावळ दौऱ्यावर आले होते. त्यांच्या या दौऱ्यानिमित्त जळगाव रेल्वे स्टेशनवर व स्टेशन बाहेरील परिसर रेल्वे प्रशासनातर्फे स्वच्छता मोहीम राबवून सर्व परिसर स्वच्छ ठेवण्यात आला होता. तसेच सुरक्षिततेच्या पार्श्वभूमीवर रेल्वे पोलिसांचा बंदोबस्तही वाढविण्यात आला होता.