तीन वर्षांच्या प्रतीक्षेनंतर माळण नदी बहरली

अमळनेर परिसर : गावकऱ्यांनी केले जलपूजन, पाणी अडल्याने विहिरीही पाझरल्या

ठळक मुद्देमाळन नदीचे मोठ्या प्रमाणावर सुमारे पाच ते सहा कि.मी. लांब अंतरापर्यंत खोलीकरण झाल्याने पहिल्याच पावसात पात्रात पाच ते सहा कि.मी. लांबीचा जलसाठा साचला आहे.काठावरील परिसरातील गावातील लगतच्या कोरड्या विहिरींना अल्प कालावधीत पाणीस्रोत झरे दिसून आले आहेत.शेतकरी सुखावले आहेत. तसेच परिसरातील सर्व गावांचा पिण्याच्या पाण्याचा प्रश्नही तूर्त सुटल्यात जमा आहे.

मारवड, ता.अमळनेर (जि.जळगाव) : मारवड व परिसरात लोकसहभागातून मोठ्या प्रमाणावर नदीनाले खोलीकरण व रुंदीकरण होऊन तीन वर्षे उलटूनही सततचा दुष्काळ व अत्यल्प पावसामुळे एक थेंबभरही पाणी न अडल्याने निराश झालेल्या नागरिकांना या वर्षीच्या मान्सूनपूर्व जोरदार पावसाच्या आगमनाने अक्षरश: आनंदाने नाचण्यास भाग पाडले आहे.येथील मारवड परिसर विकास मंचच्या माध्यमातून आयकर आयुक्त संदीप साळुंखे यांच्या नेतृत्वात ग्रामस्थ एकत्र आले. तीन वर्षांपूर्वी मोठ्या प्रमाणावर माळण नदीचे खोलीकरण व रुंदीकरण तसेच शिवारातील नाले खोदाई व जागोजागी पाणी अडविण्यासाठी बंधारे केले होते. मात्र निसर्गाची साथ न लाभल्याने नदीपात्र पाण्याविना कोरडेठाक पडल्याने शेतकºयांसह विकास मंचाचे कार्यकर्ते हतबल झाले होते. मात्र गेल्या आठवड्यात मान्सूनपूर्व पावसाने जोरदार हजेरी लावल्याने नद्या,नाले तुडुंब भरल्याने गावकºयांच्या आनंदाला पारावर राहिला नाही.तीन वर्षांच्या प्रतीक्षेनंतर केलेल्या मेहनतीला फळ आल्याचे पाहून गावकºयांनी तुडुंब भरलेले बंधारे व नदीपात्र पाहून गावात डीजे लावून आनंदोत्सव साजरा केला. या वेळी डीजेच्या तालावर वाजतगाजत माळण मातेच्या साडी, चोळी आहेराची विठ्ठल मंदिरापासून गावभर मिरवणूक काढून नदीमातेची ओटी भरून विधीवत जलपूजन केले. मिरवणुकीवेळी मारवड विकास मंचचे प्रमुख मार्गदर्शक आयकर आयुक्त संदीप साळुंखे, डीवायएसपी गिरीश पाटील, इंजिनिअर विजय भदाणे यांनी चौकाचौकात थांबून नागरिकांना श्रमदानाचे व पाणी अडविण्याचे महत्व पटवून दिले तर श्रमदान केलेल्या तरुणांनी डीजेच्या तालावर ठेका धरला. याकामी बाहेरगावी नोकरी करीत असलेल्या गावातील तरुणांनी मोठ्या प्रमाणावर वर्गणी गोळा केली होती. जलपूजन उत्सवास हे सर्व आवर्जून उपस्थित होते. याशिवाय मारवडचे सरपंच उमेश साळुंखे, माजी सरपंच ताराबाई साळुंखे, ग्रामविकास शिक्षण मंडळाचे अध्यक्ष जयवंतराव पाटील, गोवर्धनचे माजी सरपंच देवीदास पाटील तसेच मारवड, गोवर्धन, बोरगाव, धानोरा, भोरटेक, जैतपीर आदी नदीकाठावरील लाभार्थी गावाचे नागरिक महिला व तरुणवर्ग शेकडोच्या संख्येने उपस्थित होते.