जिल्ह्यात १९ भरडधान्य खरेदी केंद्र मंजूर

१ नोव्हेंबरपासून आधारभूत किंमतीनुसार खरेदी

जळगाव : खरीप पणन हंगाम २०२०-२१ मध्ये किमान आधारभूत किंमत खरेदी योजनेअंतर्गत भरडधान्य (ज्वारी, मका, बाजरी) खरेदी करण्याचा निर्णय घेतलेला आहे. यासाठी जळगाव जिल्ह्यात १९ भरडधान्य खरेदी केंद्र मंजूर केले आहे. या योजनेतंर्गत १ नोव्हेंबर ते ३१ डिसेंबर २०२० या कालावधीत आधारभूत किंमतीत व भरडधान्याच्या गुणवत्ता व दर्जानुसार खरेदी करण्यात येणार आहे, असे जिल्हाधिकारी अभिजित राऊत यांनी सांगितले.संकरीत ज्वारीसाठी आधारभूत किंमत व शेतकऱ्यांना प्रत्यक्ष द्यावयाचा दर हा २६२० रुपये आहे. मालदांडी ज्वारीसाठी २६४० रुपये, बाजरीसाठी २१५०रुपये, मकासाठी १८५० रुपये आहे.भरडधान्य खरेदीकरीता तालुकानिहाय खरेदी केंद्रांचा तपशीलजळगाव : जळगाव तालुका शेतकरी सहकारी खरेदी विक्री संघ. लि. जळगाव, जळगाव जिल्हा कृषी औद्योगिक सर्व सेवा सह संस्था मर्याअमळनेर : अमळनेर तालुका शेतकी सहकारी संघ लि.पारोळा : पारोळा तालुका शेतकरी सहकारी संघ लि.चोपडा : चोपडा तालुका शेतकरी सहकारी संघ लि.धरणगाव : अमळनेर तालुका शेतकरी सहकारी संघ लि.एरंडोल : एरंडोल तालुका शेतकरी सहकारी संघ लि.यावल : कोरपावली विविध कार्यकारी सेवा सहकारी. संघ लि.रावेर : रावेर तालुका शेतकरी सहकारी संघ. लि.मुक्ताईनगर : मुक्ताईनगर तालुका शेतकरी सहकारी संघ लि.बोदवड : बोदवड को. ऑप. खरेदी विक्री युनि.लि.भुसावळ : भुसावळ तालुका शेतकरी सहकारी संघ लि.जामनेर : जामनेर तालुका शेतकरी सहकारी संघ.लि.पाचोरा : शेतकरी सहकारी संघ लि. पाचोरा.भडगाव : शेतकरी सहकारी संघ लि.चाळीसगाव : शेतकरी सहकारी. संघ लि. भडगाव.शेंदुर्णी : शेंदुर्णी सहकारी खरेदी विक्री जिनिंग प्रेसिंग सोसा लि.याप्रमाणे १७ केंद्र आहेत तर आदिवासी विकास महामंडळ मर्या. प्रादेशिक कार्यालय नंदुरबार यांच्यामार्फत यावल-आदिवासी विकास विविध कार्यकारी सहकारी संस्था, हरीपुरा, ता. यावल व चोपडा-आदिवासी विकास विविध कार्यकारी सहकारी संस्था, कर्जाणा, ता. चोपडा याप्रमाणे दोन केंद्र मंजूर आहेत.जिल्ह्यातील आदिवासी व बिगर आदिवासी क्षेत्रातील एकूण १९ भरडधान्य खरेदी केंद्रासाठी उप अभिकर्त्या संस्थांना मंजुरी देण्यात आली असून अधिक तपशीलासाठी संबंधित खरेदी केंद्राशी संपर्क साधावा, असे आवाहन जिल्हाधिकारी अभिजित राऊत यांनी केले आहे.