शहागड (जालना ) : अंबड तालुक्यातील बळेगाव येथील अल्पभूधारक तरूण शेतकरी कैलास लिंबा कुऱ्हाडे (२७) याने सततच्या नापिकीला कंटाळून आत्महत्या केल्याची घटना बुधवारी (दि. १) रात्री नऊ वाजता उघडकीस आली.
कैलास यांनी स्वत:च्या शेतातील लिंबाच्या झाडाला गळफास घेवून आत्महत्या केली. याबद्दल परिसरात सर्वत्र हळहळ व्यक्त केली जात आहे. त्यांच्या यांच्या पश्चात आई- वडिल, पत्नी, दोन मुले असा परिवार आहे. कैलास यांच्या कुटूंबास शासनाची मदत मिळवून देण्यासाठी आपण पाठपुरावा करू असे उपसभापती किशोर नरवडे यांनी सांगितले.