जालना शहरात मोठी खळबळ उडवणारी बातमी समोर आली. जालना शहर महानगरपालिकेचे आयुक्त संतोष खांडेकर यांना लाचलुचपत प्रतिबंधक विभागाने १० लाख रुपयांची लाच घेताना रंगेहाथ अटक केली आहे. पालिका प्रमुखावरच ही कारवाई झाल्याने प्रशासकीय वर्तुळात तसेच सर्वसामान्य नागरिकांमध्ये तीव्र प्रतिक्रिया उमटल्या आहेत.
प्राथमिक माहितीनुसार, एका कंत्राटदाराच्या बांधकामाचे बिल अदा करण्याच्या बदल्यात आयुक्त संतोष खांडेकर यांनी कंत्राटदाराकडे १० लाख रुपयांची मागणी केली. कंत्राटदाराने याबाबत लाचलुचपत प्रतिबंधक विभागाकडे तक्रार दाखल केली. तक्रारीची खातरजमा झाल्यानंतर लाचलुचपत प्रतिबंधक विभागाने सापळा रचला आणि आयुक्तांना १० लाख रुपयांची लाच घेताना त्यांच्या मोतीबाग येथील शासकीय निवासस्थानी रंगेहाथ पकडले.
लाचलुचपत प्रतिबंधक विभागाचे अधिकारी सध्या आयुक्त संतोष खांडेकर यांच्या मोतीबाग येथील शासकीय निवासस्थानी झडती घेत आहेत. या झडतीमध्ये आणखी कोणती माहिती किंवा कागदपत्रे हाती लागतात, याकडे जालना शहरासह संपूर्ण प्रशासकीय वर्तुळाचे लक्ष लागून राहिले आहे. पालिका आयुक्तांवर गुन्हा दाखल करण्याची प्रक्रिया सुरू असून या प्रकरणात मोठी कारवाई होण्याची शक्यता आहे. या घटनेमुळे जालना महानगरपालिकेच्या कारभारावर प्रश्नचिन्ह निर्माण झाले आहे.
Web Summary : Jalna's Municipal Commissioner, Santosh Khandekar, was arrested for accepting a 1 million rupee bribe from a contractor for bill clearance. Anti-Corruption Bureau officials conducted the arrest at his residence, triggering administrative shockwaves and raising questions about municipal governance. Searches are ongoing.
Web Summary : जालना के मनपा आयुक्त संतोष खांडेकर को ठेकेदार से 10 लाख रुपये की रिश्वत लेते गिरफ्तार किया गया। बिल पास करने के लिए रिश्वत मांगी गई थी। भ्रष्टाचार निरोधक ब्यूरो ने उनके आवास पर छापा मारा, जिससे प्रशासनिक हलकों में खलबली मच गई और नगर निगम प्रशासन पर सवाल उठ रहे हैं। जांच जारी है।