वाहतुकीची कोंडी
अंबड : शहरातून जाणाऱ्या जालना-वडीगोद्री महामार्गाचे काम सुरू आहे, परंतु अनेक वाहन चालक रहदारी असलेल्या रस्त्याच्या कडेला वाहने चालवित आहेत. त्यामुळे वाहतूककोंडी होत असून, अपघाताचा धोका वाढला आहे.
धुळीमुळे नागरिक त्रस्त
जालना : शहरातील अंबड चौफुलीकडे जाणाऱ्या रस्त्याची दुरवस्था झाली आहे. या रस्त्यावर मोठ्या प्रमाणात धूळ उडत असून, याचा त्रास या भागातील नागरिकांना सहन करावा लागत आहे.
शहागडमध्ये हुरडा पार्ट्या
अंबड : तालुक्यातील शहागड व परिसरात ज्वारीचा पेरा मोठ्या प्रमाणात झाला आहे. ज्वारीचे पीक हुरड्यात असल्याने सध्या या भागात हुरडा पार्ट्या रंगू लागल्या आहेत. त्यामुळे शेतशिवारात येणाऱ्यांची संख्या वाढू लागली आहे.
रस्त्याची दुरवस्था
पारडगाव : पारडगाव ते कंडारी या रस्त्याची दुरवस्था झाली आहे. या रस्त्यावर दोन्ही बाजूंनी काटेरी झुडपे वाढली असून, बांधकाम विभागाने याकडे लक्ष देऊन रस्ता दुरुस्तीसह झुडपे तोडण्याची मागणी होत आहे.