जालना: परतूर विधानसभा मतदारसंघाचे भाजप आमदार आणि माजी मंत्री बबनराव लोणीकर यांनी यापुढे विधानसभा निवडणूक न लढवण्याची घोषणा करत राजकीय वर्तुळात खळबळ उडवली आहे. 'मी म्हातारा झालो नाही, पण इथून पुढे विधानसभा निवडणूक लढवणार नाही. पोरगं वेटिंगवर आहे,' असे स्पष्ट आणि थेट वक्तव्य त्यांनी केले.
वाढदिवसाच्या सोहळ्यात राजकीय ‘बॉम्ब’
लोणीकर यांच्या वाढदिवसानिमित्त जालना जिल्ह्यातील वाटूर येथे भव्य सोहळा आयोजित करण्यात आला होता. या कार्यक्रमाला हजारो कार्यकर्त्यांची उपस्थिती होती. यावेळी लोणीकर यांची लाडू तुला करण्यात आली. याच व्यासपीठावरून बोलताना त्यांनी राजकीय निवृत्तीचे आणि उत्तराधिकाराचे स्पष्ट संकेत दिले. 'मी थकलो नाही, पण आता तरुण पिढीला संधी मिळायला हवी. माझे चिरंजीव निवडणुकीसाठी सज्ज आहेत,' असे म्हणत त्यांनी मुलासाठी विधानसभा मतदारसंघ मोकळा करण्याचे लोणीकरांनी जाहीर केले.
लोकसभेची तयारी?
विधानसभा निवडणूक न लढवण्याचा निर्णय जाहीर करतानाच लोणीकर यांनी सक्रिय राजकारणातून निवृत्ती घेत नसल्याचे स्पष्ट केले आहे. ते म्हणाले, 'पक्षाने संधी दिल्यास लोकसभा निवडणूक लढवण्यास मी तयार आहे,' असे सांगत त्यांनी केंद्राच्या राजकारणात जाण्याची इच्छा व्यक्त केली. आता लोणीकर खरंच पुढील विधानसभेतून माघार घेणार का? रावसाहेब दानवेंसारखे दिग्गज नेते असताना पक्ष त्यांना जालन्यातून लोकसभेसाठी संधी देणार का? हे पाहणे महत्वाचे ठरेल.
Web Summary : Babanrao Loniikar, BJP MLA, will not contest assembly elections. He announced his son is ready, hinting at succession. He's open to contesting Lok Sabha elections if the party gives chance.
Web Summary : भाजपा विधायक बबनराव लोणीकर अब विधानसभा चुनाव नहीं लड़ेंगे। उन्होंने घोषणा की कि उनका बेटा तैयार है, उत्तराधिकार का संकेत दिया। यदि पार्टी मौका देती है तो वे लोकसभा चुनाव लड़ने के लिए तैयार हैं।