२०२२ हे वर्ष संपून २०२३ हे वर्ष संपण्यासाठी आता केवळ काही दिवस उरले आहेत. २०२३ या नव्या वर्षाच्या स्वागताची तयारी लोकांनी सुरू केली आहे. नव्या वर्षाची चाहूल लागताच या वर्षासाठी सुप्रसिद्ध भविष्यवेत्ते बाबा वेंगा यांनी केलेल्या भविष्यवाण्यांची चर्चा सुरू झाली आहे. बाबा वेंगा यांनी २०२३ साठी अनेक भविष्यवाण्या केल्या आहेत. त्या खऱ्या ठरल्या तर पृथ्वीवर विध्वंस होईल. बाबा वेंगा यांनी १११ वर्षांपूर्वी भविष्यकाळाबाबत अनेक भविष्यवाण्या केल्या होत्या. कालौघात त्या सत्य असल्याचे सिद्ध झाले होते.
बाबा वेंगा यांनी केलेल्या भविष्यवाणीनुसार २०२३ मध्ये तिसरं महायुद्ध होऊ शकतं. यादरम्यान, अणुहल्लेही होऊ शकतात. त्यामुळे पृथ्वीवर विनाश होऊ शकतो. जाणकार बाबा वेंगांच्या या भविष्यवाणीला रशिया आणि युक्रेन यांच्यातील युद्धाशी जोडून पाहत आहेत. हे युद्ध पुढच्या वर्षी महायुद्धाचे रूप घेऊ शकते अशी शक्यता आहे.
बाब वेंगांनी केलेल्या भविष्यवाणीचा विचार केल्यास २०२३ मध्ये एक मोठी खगोलीय घटनाही घडणार आहे. त्यानंतर पृथ्वी आपली कक्षा बदलू शकते. तसेच पृथ्वीवर इतरही काही मोठे बदल होऊ शकतात. बाबा वेंगा यांनी सांगितलं होतं की, या खगोलीय घटनेचे गंभीर परिणाम होऊ शकतात.
बाबा वेंगा यांनी सन २०२३ मध्ये जैविक हत्यारांच्या माध्यमातून हल्ले होण्याचा इशाराही दिला होता. मात्र हा हल्ला कोण करेल आणि कुणावर करेल, याबाबतची माहिती दिली नव्हती. याशिवाय बाबा वेंगा यांनी सौरवादळांबाबतही भविष्यवाणी केली होती. (ही माहिती सर्वसाधारण समजुतींवर आधारित आहेत. झी न्यूज त्याला दुजोरा देत नाही)