मध्य पूर्वेतील युद्धाला आज जवळपास ३ आठवडे होत आले आहेत तरीही हे युद्ध संपण्याची चिन्हे नाहीत. परंतु हे युद्ध आणखी भडकण्याचे संकेत मिळत आहेत. अमेरिकन राष्ट्रपती डोनाल्ड ट्रम्प सातत्याने इराणला धमकी देत आहेत. त्यातच ब्रिटनचे पंतप्रधान कीर स्टार्मर यांनी इराणविरोधात मोठा निर्णय घेतला आहे.
डेली मेलच्या रिपोर्टनुसार, टॉमहॉक मिसाइलनं सज्ज आणि अणुऊर्जेने चालणारी एक ब्रिटीश पाणबुडी एचएमएस एनसन अरबी समुद्रात स्ट्रेट ऑफ होर्मुझच्या जवळ पोहचली आहे. ब्रिटीश पाणबुडी अशावेळी या ठिकाणी पोहचली आहे जेव्हा राष्ट्रपती ट्रम्प यांनी इराणविरोधात सैन्य कारवाई आणखी तीव्र करण्याची धमकी देत आहेत. या महिन्याच्या सुरुवातीला ६ मार्च रोजी ब्रिटनची ही पाणबुडी ऑस्ट्रेलियातील पर्थ शहरातून रवाना झाली होती. आता HMS ANSON अरबी समुद्रातील उत्तरेकडून मोर्चा सांभाळेल जे होर्मुझ सामुद्रधुनी म्हणजे स्ट्रेट ऑफ होर्मुझच्या अगदी जवळ आहे.
कोणकोणत्या शस्त्रांनी सज्ज ब्रिटनची पाणबुडी?
ब्रिटनची ही अणुऊर्जेवर चालणारी पाणबुडी अनेक आधुनिक शस्त्रांनी सज्ज आहे. या शस्त्रांमध्ये १६०० किमी रेंजपर्यंत मारा करणारी टॉमहॉक ब्लॉक लँड अटॅक मिसाइल आणि स्पीयरफिश हॅवीवेट टॉरपिडोचा समावेश आहे. जी या पाणबुडीला अत्यंत मारक क्षमतेने खतरनाक बनवते.
इराणविरुद्ध युद्धात ब्रिटन होणार सक्रीय सहभागी
होर्मुझच्या सामुद्रधुनीजवळ अरबी समुद्रात ब्रिटिश पाणबुडीची तैनाती म्हणजे ब्रिटन आता इस्रायल आणि अमेरिकेसोबत इराणविरुद्धच्या युद्धात सक्रियपणे सहभागी होत आहे हे स्पष्ट दिसते. यापूर्वी ब्रिटनने अमेरिकेला इराणविरुद्ध ब्रिटिश लष्करी तळ वापरण्याची परवानगी दिली होती.
४८ तासांत ४ मोठे हल्ले
मागील ४८ तासांत इराणने इस्रायलवर ४ मोठे हल्ले केले आहेत. त्यातील न्यूक्लियर रिसर्च सेंटरजवळील हल्ला अत्यंत महत्त्वाचा मानला जातो. या हल्ल्यानंतर नेतन्याहू यांनी जगातील नेत्यांना थेट युद्धात उतरण्याचं आवाहन केले आहे. आता वेळ आलीय या लढाईत जगातील इतर देशांनी उघडपणे सहभागी व्हावे. अमेरिका, इस्रायल केवळ स्वत:साठी नव्हे तर जगासाठी ही लढाई लढत आहेत. इतर देश कधीपर्यंत वाट पाहणार आहेत असं नेतन्याहू यांनी म्हटलं.
Web Summary : Tensions rise in the Middle East as a British submarine, armed with Tomahawk missiles, deploys near the Strait of Hormuz. This move signals increased UK involvement alongside the US and Israel against Iran, following recent attacks and calls for global support.
Web Summary : मध्य पूर्व में तनाव बढ़ रहा है क्योंकि एक ब्रिटिश पनडुब्बी, जो टॉमहॉक मिसाइलों से लैस है, होर्मुज़ जलडमरूमध्य के पास तैनात है। यह कदम हाल के हमलों और वैश्विक समर्थन के आह्वान के बाद ईरान के खिलाफ अमेरिका और इज़राइल के साथ यूके की बढ़ती भागीदारी का संकेत देता है।