अमेरिकेचे राष्ट्राध्यक्ष डोनाल्ड ट्रम्प यांनी इराणसोबत दोन आठवड्यांच्या युद्धबंदीची घोषणा केली आहे. या घोषणेनंतर इराणचे सर्वोच्च नेते मोज्तबा खामेनेई यांनी आपल्या सैन्याला गोळीबार थांबवण्याचे आदेश दिले असले, तरी त्यांनी अमेरिकेला कडक शब्दांत सुनावले आहे. "ही युद्धबंदी म्हणजे युद्धाचा शेवट नाही," असे म्हणत खामेनेई यांनी भविष्यातील संघर्षाचे संकेत दिले आहेत.
नेमकं प्रकरण काय?
डोनाल्ड ट्रम्प यांनी सोशल मीडियाद्वारे इराणवरील हल्ले दोन आठवड्यांसाठी स्थगित करत असल्याचे जाहीर केले. पाकिस्तानचे पंतप्रधान शहबाज शरीफ आणि फील्ड मार्शल आसिम मुनीर यांच्याशी झालेल्या चर्चेनंतर हा निर्णय घेतल्याचे ट्रम्प यांनी स्पष्ट केले. मात्र, ही युद्धबंदी 'होर्मुजची सामुद्रधुनी' पूर्णपणे खुली ठेवण्याच्या अटीवर करण्यात आली आहे. ट्रम्प यांच्या या भूमिकेनंतर इराणमध्ये विजयाचा जल्लोष साजरा होत असला, तरी लष्करी पातळीवर अद्याप तणाव कायम आहे.
'आमचे हात ट्रिगरवरच' - इराणचा इशारा
इराणच्या सर्वोच्च राष्ट्रीय सुरक्षा परिषदेने स्पष्ट केले की, जरी आम्ही सध्या गोळीबार थांबवला असला, तरी आमचे लक्ष शत्रूच्या प्रत्येक हालचालीवर आहे. इराणच्या सरकारी वाहिनीवर मोज्तबा खामेनेई यांचा संदेश वाचून दाखवण्यात आला. यात त्यांनी म्हटले आहे की, "सर्व लष्करी शाखांनी आदेशाचे पालन करून गोळीबार थांबवावा, पण सावध राहावे. शत्रूने थोडी जरी चूक केली, तर त्याला चोख प्रत्युत्तर दिले जाईल."
इराणच्या त्या '१० अटी' ज्यावर अमेरिका झाली मवाळ
ट्रम्प यांनी सांगितले की, इराणकडून त्यांना १० कलमी प्रस्ताव प्राप्त झाला आहे, जो चर्चेसाठी योग्य आहे. इराणने प्रामुख्याने खालील मागण्या ठेवल्या आहेत:
१. कोणतेही आक्रमण नाही२. होर्मुझच्या सामुद्रधुनीवर इराणचे नियंत्रण कायम३. संवर्धनाची स्वीकृती४. सर्व प्राथमिक निर्बंध हटवणे ५. सर्व दुय्यम निर्बंध हटवणे ६. संयुक्त राष्ट्र सुरक्षा परिषदेचे सर्व ठराव रद्द करणे७. आयएईएच्या नियामक मंडळाचे सर्व ठराव रद्द करणे ८. इराणला नुकसान भरपाई देणे९. या प्रदेशातून अमेरिकेच्या लढाऊ सैन्याची माघार१०. लेबनॉनमधील शौर्यपूर्ण इस्लामी प्रतिकारासह सर्व आघाड्यांवरील शत्रुत्व थांबवणे
Web Summary : Trump announced a two-week ceasefire with Iran after discussions with Pakistani leaders. Khamenei ordered a halt to firing but cautioned vigilance, warning of retaliation for any enemy mistake. Iran presented ten demands, including lifting sanctions and US troop withdrawal.
Web Summary : ट्रंप ने पाकिस्तानी नेताओं के साथ चर्चा के बाद ईरान के साथ दो सप्ताह के युद्धविराम की घोषणा की। खामेनेई ने गोलीबारी रोकने का आदेश दिया लेकिन सतर्कता बरतने की चेतावनी दी, किसी भी दुश्मन की गलती पर जवाबी कार्रवाई की चेतावनी दी। ईरान ने प्रतिबंधों को हटाने और अमेरिकी सैनिकों की वापसी सहित दस मांगें पेश कीं।