काबुल: अमेरिकेने अफगानिस्तानमधून (afghanistan) बाहेर पडण्यास सुरुवात केली आणि तिकडे पाकिस्तानच्या छत्राखाली दबा धरून बसलेल्या तालिबानी अतिरेक्यांनी (Taliban) एकेक प्रांत पुन्हा ताब्यात घेण्यास सुरुवात केली आहे. यामुळे युद्ध हे अफगानिस्तानच्या पाचवीला पुजलेले आहे. तालिबानी अतिरेकी एकेक करून सगळी कार्यालये, मोक्याची ठिकाणे ताब्यात घेत त्यांचा पांढरा झेंडा फडकवत आहेत. दुसरीकडे तालिबानींना रोखण्यासाठी अफगानचे सैनिक लढत आहेत. दरम्यान, शिखांनी जगभरातून विरोध करताच तालिबानने नमते घेतले आहे. (Nishan Sahib, which was removed by the Taliban from the roof of a Gurdwara in Afghanistan's eastern Paktia province, was restored with its "proper dignity" on Friday night, said President Indian World Forum, Puneet Singh Chandhok.)
पकतिया प्रांताताली पवित्र गुरुद्वारा थाल साहिब याच्या छतावर शिखांचा धार्मिक झेंडा लावण्यात आला होता. तो तालिबानींनी कब्जा करताच काढून टाकला होता. हा गुरुद्वारा शिख समुदायासाठी महत्वाचा आहे. त्यांचे गुरु नानक देव देखील येथे आले होते. तालिबानने हे निशान हटविताच जगभरातून शिख समुदायाकडून विरोध होऊ लागला होता. यावर तालिबानचा प्रवक्ता सुहैल शाहीनने दावा केला की, निशान साहिब हटविण्यात आलेला नाही. परंतू त्याचा दावा काही मिनिटांतच फोल ठरला होता. निशान काढताना आणि काढल्यानंतरचे फोटो व्हायरल झाले होते. यामुळे तालिबानचे कृत्य उघड झाले होते.
चोहोबाजुंनी टीकेचा भडीमार झाल्यानंतर तालिबानने निशान साहिब पुन्हा होता त्या जागेवर फडकवला आहे. तालिबानच्या या कृत्यामुळे शिखांमध्ये खूप संताप पहायला मिळाला होता. या आधी व्हायरल झालेल्या फोटोंवरून गुरुद्वाऱ्यावरून निशान हटविण्यात आले होते, हे स्पष्ट दिसत होते. तालिबानवर दुसऱ्या धर्माचा अनादर करत असल्याचे आरोप याआधी होत होते. परंतू तालिबानने आपण बदलत असल्याचा दावा केला आहे.
अफगानिस्तानच्या युद्धग्रस्त भागात दशकांपासून अल्पसंख्यांक शीख आणि हिंदूंवर अत्याचार सुरु आहेत. पकतिया भागात 1980 पासून मुजाहिद्दीन आणि तालिबान हक्कानी गटाचे वर्चस्व होते. त्यांचा दहशतवाद एवढा होता की, अफगन सरकार देखील यात कधी पडत नव्हते. गेल्या वर्षी निदान सिंह सचदेव यांचे अपहरण करण्यात आले होते. श्रावण महिन्याच्या आधी सेवेसाठी ते आले होते. नंतर त्यांना सोडण्यात आले.