पाकमध्ये समलिंगी विवाह करणा-या जोडप्यासह मदत करणा-यांनाही अटक

 

इस्लामाबाद, दि. १७ - समलिंगी विवाह केल्याप्रकरणी व विवाहाला मदत केल्याप्रकरणी पोलिसांनी चौघांना अटक केली आहे.

बलुचिस्तान येथील झाल माग्सी जिल्ह्यातील हे जोडपे असून त्यांच्या दोन मित्रांनी त्यांना लग्नाकरता मदत केली असल्याचे पोलिसांनी सांगितले. तसेच हे लग्न मंगळवारी झाले असून पोलिसांना या घटनेची माहिती मिळताच त्यांनी बुधवारी त्यांच्यावर गुन्हादाखल करत अटक केली आहे. या प्रकरणी आरोपींना विचारले असता त्यांनी आम्ही गंमत म्हणून निकाह करत असल्याचे सांगितले. पोलिसांनी दिलेल्या माहितीनुसार समलिंगी विवाह करणे कायद्याने गुन्हा आहे. विवाह केलेल्या जोडप्याने व उपस्थितांनी कायदा व सुव्यवस्थेचा प्रश्न निर्माण केल्याने त्यांना अटक करण्यात आल्याचे पोलिसांनी सांगितले आहे.