एका स्पोर्ट्स शिक्षिकेला आपल्या विद्यार्थ्यासोबत शारीरिक संबंध ठेवणं महागात पडलं आहे. तिच्यावर लैंगिक शोषणाच्या आरोपात केस दाखल करण्यात आली असून दोषी आढळल्यास तिला २० वर्षांची शिक्षाही होऊ शकते. आरोपी अमेरिकेतील (America) आयोवा येथील एका हायस्कूलमध्ये वॉलीबॉलची कोच होती. विद्यार्थी आणि तिची भेट एका अपघातामुळे झाली होती. ज्यानंतर दोघे जवळ आले.
कार पार्किंगमध्ये झाली होती भेट
'डेली स्टार' मध्ये प्रकाशित एका रिपोर्टनुसार, जीएमजी कम्युनिटी स्कूल डिस्ट्रिक्टची वॉलीबॉल कोच २२ वर्षीय ब्रासीलिन हाउघीची भेट १७ वर्षीय विद्यार्थ्यासोबत शाळेच्या पार्किंगमध्ये भेट झाली होती. विद्यार्थ्याने चुकून ब्रासीलिनच्या कारला टक्कर मारली होती. यामुळे दोघांमध्ये संवाद झाला आणि त्यांनी एकमेकांना त्यांचे फोन नंबर दिले. त्यानंतर दोघे सतत बोलत होते. अपघाताची ही घटना गेल्यावर्षीची सप्टेंबरमधील आहे.
कोचने पाठवले होते हॉट फोटो
ब्रासीलिन हाउघीने काही दिवसातच विद्यार्थ्याला तिचे हॉट फोटो पाठवले होते आणि घरी येण्यास सांगितलं होतं. २५ सप्टेंबरला जेव्हा विद्यार्थी तिच्या घरी गेला तेव्हा त्यांनी आधी दारूचं सेवन केलं. नंतर शारीरिक संबंध ठेवले. हा प्रकार डिसेंबरपर्यंत सुरू होता. पोलिसांना चौकशी दरम्यान अल्पवयीन विद्यार्थ्याने सांगितलं की, कोचने त्याला अनेक हॉट फोटो पाठवले, ज्यातील एक न्यूडही होती. Iowa मध्ये सहमतीने शारीरिक संबंध ठेवण्याचं वय १६ आहे. तरीही अधिकारीक पदावर असलेले लोक जर १६ ते १८ वयोगटातील व्यक्तीसोबत शारीरिक संबंध ठेवत असतील तर हा गुन्हा मानला जातो.
अनेकदा ठेवले दोघांनी संबंध
ब्रासीलिन हाउघी विरोधात चौकशी यावर्षी ऑक्टोबरमध्ये सुरू झाली. पोलिसांना आढळलं की, कोचने विद्यार्थ्यासोबत अनेकदा संबंध ठेवले. त्याला आकर्षित करण्यासाठी अश्लील फोटो पाठवले. नोकरी सोडलेली ब्रासीलिन आता केसचा सामना करत आहे. दोषी आढळली तर तिला मोठी शिक्षा होऊ शकते.