रशियाशी युद्ध करताना युक्रेनच्या एका सैनिकाने आपले दोन्ही पाय गमावले, पण आता तो सुपरस्टार झाला आहे. स्टेजवर धमाकेदार परफॉर्मन्स देत आहे. तो आता सुपरस्टार बॅले डान्सर बनला आहे. अलेक्झेंडर बुडको असं या सैनिकाचं नाव आहे. वय 27 वर्षे आहे. तो सध्या युनायटेड युक्रेनियन बॅलेट कंपनीसोबत अमेरिकेचा दौरा करत आहे. येथे त्याने 3,000 प्रेक्षकांसमोर त्याच्या कृत्रिम पायांसह डान्स केला आहे.
डेली स्टारच्या रिपोर्टनुसार, पूर्वी तो ग्राफिक डिझायनर होता आणि त्याने कॉफी शॉपमध्येही काम केलं आहे. गेल्या ऑगस्टमध्ये (2022) उत्तर-पूर्व युक्रेनमधील इझियमजवळ तो रशियन बॉम्बच्या संपर्कात आला होता. मातृभूमीचे रक्षण करण्यासाठी तो रशियाच्या व्लादिमीर पुतिन यांच्या सैन्याविरुद्ध लढण्यासाठी तयार झाला होता.
युद्धात उतरल्यानंतर अवघ्या तीन महिन्यांतच ही घटना घडली. तो म्हणतो, 'पोटावर झोपल्यानंतर मला शंखाचा आवाजही ऐकू येत नव्हता. मला फक्त भयंकर वेदना, जीव गुदमरून टाकणारा वास येत होता आणि माझं नाक जमिनीला स्पर्श करत होतं.'
डॉक्टरांना त्याचा एक पाय वाचवण्याची आशा होती, पण तीन दिवसांत त्याचे दोन्ही पाय गुडघ्याखाली कापण्यात आले. आता तो आघातातून सावरण्याचा प्रयत्न करणाऱ्या इतर सैनिकांसाठी आदर्श बनला आहे.
तो म्हणतो, 'ही कोरिओग्राफी युद्धाच्या परिणामांबद्दल, लोकांबद्दल, वेदना आणि नुकसान असूनही आपण किती निर्भय आहोत हे सांगते.' अलेक्झेंडरने पुढील महिन्यात जर्मनीमध्ये होणाऱ्या जखमी सैनिकांसाठी इनव्हिक्टस गेम्समध्ये युक्रेनचे प्रतिनिधित्व करण्यासाठी ट्रायलमध्ये भाग घेतला आहे.
हजारो सैनिकांनी आपले हातपाय गमावले
जेव्हा मी ऐकतो की माझे उदाहरण लोकांना मदत करत आहे, तेव्हा मला समजते की मी सर्वकाही ठीक करत आहे असंही म्हटलं. 18 महिन्यांच्या युद्धानंतर किमान 50,000 युक्रेनियन सैनिकांचा किमान एक अवयव कापण्यात आल्याचं कृत्रिम अवयव बनवणारी जर्मनीची कंपनी ओट्टोबॉकने म्हटलं आहे. एका हिंदी वेबसाईटने याबाबतचे वृत्त दिले आहे.