वेल्स : भूतासोबत शारिरीक संबंध प्रस्थापित केल्याचा दावा लंडनमधील एका तरुणीने केला आहे. तिच्या या दाव्यामुळे सगळेच अचंबित झालेत. ती असं का म्हणतेय आणि तिला असा अनुभव कसा आला याबाबतीत तिने नुकताच खुलासा केलाय, जो अत्यंत धक्कादायक आहे.
द सनने दिलेल्या व़ृत्तानुसार, नॉर्थ लंडनच्या वेल्स शहरातील एबेरीस्टीव्थ इथं सियान जेमसन ही तरुणी राहते. तिने एका भूतासोबत शारिरीक संबंध प्रस्थापित केल्याचा दावा केलाय. तीन वर्षांपूर्वी तिचे तिच्या प्रियकरासोबतचं नातं संपवलं होतं. तिला या दु:खातून बाहेर पडायचं होतं त्यामुळे तिन वेल्स शहरातील या जुन्या घरात राहण्याचा निर्णय घेतला.
या जुन्या घरात अनेक जुन्या पेटिंग्स लटकवलेल्या होत्या. तसेच अनेक जुनी पुस्तकही इथं होती. ती इथं राहायला आल्यानंतर तिला अनेक विचित्र स्वप्न पडू लागली. त्यातील काही स्वप्नात ती आपल्या बॉयफ्रेंडसोबत असायची. मात्र एकदा एक वेगळाच चमत्कार झाला. तिच्या पलंगावर शेजारी एक हॅन्डसम इसम झोपला असल्याचं तिच्या लक्षात आलं. पण तो तिचा बॉयफ्रेंड नव्हता. कोणीतरी वेगळाच इसम होता. सुरुवातीला तिला ते स्वप्न असल्याचं वाटलं. म्हणून ती बेडवरून उठून सरळ चालत गेली. तेव्हा अचानक एका भिंतीला आपटली. त्या भिंतीवर एक पेटिंग होतं. त्या चित्रामध्ये असलेला इसमच तिच्या पलंगावर तिच्या शेजारी झोपला असल्याची तिला खात्री पटली. तेवढ्यात पाठून तिला कोणीतरी स्पर्श केल्याचं जाणवलं. तिने या इसमाचं हे चित्र याआधी अनेकदा पाहिलं होतं. जवळपास १८२० सालच्या काळातला हा फोटो होता. या देखण्या इसमाच्या चित्रावर ती भाळली होती. कालांतराने त्यांच्यात ओळख होत गेली. तेव्हा तिला त्याच्याविषयी अधिक माहिती मिळत गेली. त्याचं नाव रॉबर्ट आहे. जवळपास १०० वर्षांपूर्वी त्याचा मृत्यू झाला होता.
आणखी वाचा - अरे बापरे! जपानमधल्या या माश्याचं वजन तब्बल २३०० किलो
ती म्हणण्याप्रमाणे, खरंतर सियान भूता-खेतांवर विश्वास ठेवणाऱ्यातली आहे. तिने याआधी अनेक वेळा भूत पाहिलं असल्याचा तिचा दावा आहे. पण रॉबर्ट या भूतासोबत आलेला अनुभव वेगळा होता. हळूहळू ती रॉबर्ट या भूताच्या प्रेमात पडू लागली, असं ती म्हणते. रोज रात्री तो तिथं येऊन सकाळी निघून जात असे. सकाळी निघताना त्याच्या जाण्याचा आवाज सियानच्या कानी पडायचा. त्याला पाहण्यासाठी तीसुद्धा बाहेर यायची, मात्र सकाळचा तो तिला केव्हाच दिसला नाही. असं तिच्याबाबतीत त्यानंतरही घडत गेलं. तिने या इसमाचा शोध इंटरनेटवरही घेण्याचा प्रयत्न केला. १९ व्या शतकात एक फ्रेंच आर्टिस्ट हुबेहूब रॉबर्टसारखा असल्याचं तिला दिसलं. शेवटी तिनं हा सगळा प्रकार तिच्या मित्रांना सांगितला. त्यांनाही या प्रकारावर हसू आवरता आलं नाही. ती तिच्या प्रियकराच्या दु:खातून सावरली नसल्याने तिला असे भास होत असल्याचं मित्रांना वाटत होतं. भूत वगैरे काही नसतं आणि हे सगळे भास-आभासाचे खेळ असल्याचं तिच्या मित्रांनी तिला समजावलं. शेवटी आता सियान एका व्यक्तीसोबत सुखाने नांदत असल्याचंही मित्रांकडून सांगण्यात आलं.