रशियन सैनिकाने महिलेवर युक्रेनच्या ब्रोव्हरीमध्ये केला बलात्कार, अधिकाऱ्यांनी दिले चौकशीचे आदेश

Rape Case : युक्रेनच्या खासदार इन्ना सोवसन यांना आता एका महिलेने माहिती दिली आहे, या माहितीवरून अलीकडेच अधिकृत तक्रार दाखल केली आहे.

युक्रेनच्या एका खासदाराने बुधवारी पहाटे सांगितले की, एका युक्रेनियन महिलेने केलेल्या आरोपाची चौकशी सुरू करण्यात आली होती, या महिलेने रशियन सैनिकाने बलात्कार केल्याचा आरोप केला आहे.यापूर्वी, अनेक अहवालांनी युक्रेनियन खासदार लेसिया वासिलेन्को (Lesia Vasylenko )  यांचा हवाला दिला होता की "कीवच्या बाहेरील भागात रशियन सैन्याने त्यांच्या शहरांवर रशियन शस्त्रास्त्रे उतरल्यामुळे पळून जाण्यास असमर्थ असलेल्या ज्येष्ठ नागरिकांचे लैंगिक शोषण केल्याचे वृत्त आहे".

Lesia Vasylenko म्हणाले की, हिंसाचारापासून वाचण्यासाठी अनेक महिला "ज्येष्ठ नागरिकांनी" लैंगिक अत्याचारानंतर आत्महत्या केल्या होत्या. या दाव्यांवर प्रतिक्रिया देताना, युक्रेनच्या खासदार इन्ना सोवसन यांना आता एका महिलेने माहिती दिली आहे, या माहितीवरून अलीकडेच अधिकृत तक्रार दाखल केली आहे.

"आम्ही यापूर्वी अफवा ऐकल्या होत्या, परंतु हयात असलेल्या महिलेने केलेल्या अधिकृत तक्रारीची माहिती दिली ही पहिलीच वेळ आहे," असं इन्ना सोवसन पुढे म्हणाल्या. अलीकडील अहवालांनुसार, एनरहोदर येथील अनास्तासिया तरन या 30 वर्षीय महिलेने सांगितले की, रशियन-व्याप्त इरपिन शहरातील परिस्थिती 'नरका'सारखी झाली आहे आणि आक्रमणकर्ते स्थानिकांना भयानक वागणूक देत असल्याचा आरोप केला."इरपिन नरक आहे. तेथे बरेच रशियन सैनिक आहेत जे फक्त घरातील लोकांना गोळ्या घालतात आणि लोकांना त्यांच्या घरातून हाकलून देतात,"  "ते महिलांवर बलात्कार करतात आणि मृतांना फक्त टाकले जात आहे," असे अनास्तासिया म्हणाली.