ज्यावेळी १८ वर्षांचा होतो, त्यावेळी १४ वर्षांच्या मुलीला प्रेग्नंट केले होते, असा धक्कादायक गौप्यस्फोट अमेरिकेतील खासदार अँथनी बूचार्ड यांनी केला आहे. यानंतर अमेरिकेच्या राजकारणात एकच खळबळ उडाली आहे. व्योमिंग स्टेटचे खासदार अँथनी बोचार्ड सिनेटमध्ये रिपब्लिकनचे प्रतिनिधी लिज चेनी यांना पदच्युत करण्याच्या शर्यतीत होते. (republican senator anthony bouchard reveals he impregnated a 14 year old girl at 18)
बूचार्ड म्हणाले, "वयाच्या १८ व्या वर्षी १४ वर्षाची मुलगी प्रेग्नंट केले होते. लैंगिक छळ प्रतिबंधक समूहाने या नात्याला 'रोमियो आणि ज्युलियट सारखी' कहाणी म्हणून वर्णन केल्याबद्दल त्यांना फटकारले. बूचार्ड यांनी प्रतिनिधी बनण्याच्या शर्यतीतून बाहेर न पडण्याची शपथ घेतली आणि या घटनेला समोर आणल्याबद्दल 'गलिच्छ राजकारण'ला दोषी ठरवले.
५५ वर्षीय बूचार्ड यांनी गुरुवारी समर्थकांना फेसबुक लाइव्ह व्हिडिओमध्ये एक सामान्य किशोरवयीन मुलाशीसोबत असलेल्या संबंधाबद्दल सांगितले. नंतर त्यांनी कॅस्पर स्टार-ट्रिब्यूनला मुलीचे वयाबद्दल सांगितले. ते म्हणाले, ज्यावेळी मी लहान होतो, तेव्हाची ही एक कहाणी आहे. दोन किशोर, मुलगी प्रेग्नंट राहते. ती माझ्यापेक्षा लहान होती. त्यामुळे ही रोमियो आणि ज्युलियटच्या कहाणीसारखी आहे.
बूचार्ड यांनी मुलगी १५ वर्षांची असताना तिच्याशी लग्न केले आणि ते १९ वर्षांचे होते आणि दोघे फ्लोरिडामध्ये राहत होते. तीन वर्षानंतर त्यांचा घटस्फोट झाला. ज्यावेळी मुलगी २० वर्षांची होती, त्यावेळी तिचे निधन झाले, असे बूचार्ड म्हणाले. दरम्यान, ऑनलाइन रेकॉर्ड्समध्ये १९९० साली जॅक्सनविले स्मशानभूमीत दफन झालेल्या महिलेचे नाव आहे. मीडियाने या महिलेची ओळख जाहीर न करण्याचा निर्णय घेण्यात आला आहे.
(Mucormycosis : दिल्लीतील दोन रुग्णांमध्ये ब्लॅक फंगसचा दुर्मीळ संसर्ग, चिंता वाढली)
२०२० मध्ये चेनी यांच्या विरोधात निवडणूक लढविणार्या किमान आठ रिपब्लिकनपैकी बूचार्ड यांचा समावेश आहे. त्यांनी अमेरिकेच्या कॅपिटलमध्ये ८ जानेवारी रोजी झालेल्या हिंसाचाराबद्दल माजी राष्ट्राध्यक्ष डोनाल्ड ट्रम्प यांच्यावर महाभियोग चालविण्यास मतदान केले होते.
हे प्रकरण समोर आणण्यात चेनी यांचा समावेश होता, असे बूचार्ड यांना वाटते. मात्र चेनी यांचे प्रवक्ते जेरेमी अॅडलर यांनी चेनी यांचा कोणताही सहभाग नसल्याचे म्हटले आहे. दरम्यान, त्यावेळी माझ्यावर आणि मुलीवर गर्भपात करण्यासाठी दबाव आणण्यात येत होता, परंतु आम्ही तसे केले नाही, असे बूचार्ड म्हणाले.