इस्लामाबाद : आर्थिक संकटात सापडलेल्या पाकिस्तानच्या जनतेला सरकारने पुन्हा एकदा मोठा धक्का दिला आहे. पाकिस्तानमधीलपेट्रोल आणि डिझेलच्या किमतीत थेट ५५ रुपये प्रति लिटर इतकी प्रचंड वाढ करण्यात आली आहे. इराण आणि इस्रायल यांच्यात सुरू असलेल्या युद्धामुळे निर्माण झालेल्या जागतिक तेल संकटामुळे हा निर्णय घेण्यात आल्याचे पाकिस्तानच्या पेट्रोलियम मंत्र्यांनी स्पष्ट केले आहे.
काय आहेत नवे दर?पाकिस्तान सरकारने जाहीर केलेल्या नवीन दरवाढीनंतर इंधनाचे दर गगनाला भिडले आहेत:
डिझेल: आता ३३५.८६ रुपये प्रति लिटर.
पेट्रोल: आता ३२१.१७ रुपये प्रति लिटर.
इराण युद्धाचा परिणाम:मध्यपूर्वेतील इराण युद्धामुळे जागतिक बाजारपेठेत तेल आणि गॅसचा पुरवठा विस्कळीत होण्याची भीती आधीपासूनच व्यक्त केली जात होती. पाकिस्तानने या संकटाचा सामना करण्यासाठी आणि आपली अर्थव्यवस्था सावरण्यासाठी इंधनाचे दर वाढवण्याचा निर्णय घेतला आहे. मात्र, या दरवाढीमुळे पाकिस्तानातील वाहतूक खर्च वाढणार असून, त्याचा थेट परिणाम जीवनावश्यक वस्तूंच्या किमतींवर होणार आहे.
जनतेमध्ये संतापाची लाटआधीच महागाईने कंबरडे मोडलेल्या पाकिस्तानी जनतेसाठी ही दरवाढ 'दुष्काळात तेरावा महिना' ठरली आहे. सत्तेवर आलेल्या नव्या सरकारसमोर आता या जनक्षोभाला सामोरे जाण्याचे मोठे आव्हान उभे राहिले आहे.
Web Summary : Pakistan's economic woes deepen as petrol and diesel prices surge by 55 rupees per liter. Fuel price hikes, driven by global oil concerns tied to the Iran-Israel conflict, spark public outrage amidst existing inflation, straining household budgets and raising transportation costs.
Web Summary : पाकिस्तान में पेट्रोल और डीजल की कीमतों में 55 रुपये प्रति लीटर की भारी वृद्धि हुई है। ईरान-इजरायल संघर्ष से जुड़ी वैश्विक तेल चिंताओं के कारण ईंधन की कीमतों में वृद्धि से जनता में आक्रोश है, जिससे घरेलू बजट पर दबाव बढ़ रहा है और परिवहन लागत बढ़ रही है।