श्रीमंतांचा देश! 'इथला' सर्वात गरिब माणूसही आहे करोडपती, अहवालात समोर आली माहिती

या देशाचं नागरिकत्व मिळवणं खूप सोपं आहे

Richest Country In The World: तुमच्या देशातील 1% श्रीमंत लोकांच्या यादीत समाविष्ट होण्यासाठी तुमच्या खिशात किती पैसे असावेत? या प्रश्नाच्या उत्तरात कन्सल्टन्सी फर्म नाइट फ्रँकने एक अहवाल जारी केला आहे. या अहवालात मोनॅको नावाच्या एका छोट्या देशाने सर्वांना आश्चर्यचकित केले आहे. मोनॅकोमधील टॉप 1% अब्जाधीशांच्या यादीत सामील होण्यासाठी, तुमचे भांडवल सुमारे 102 ते 105 कोटी असावे असा अहवाल आहे.

मोनॅको श्रीमंत कसा झाला?

तुम्ही विचार करत असाल की या छोट्या देशाने अमेरिकेसारख्या महासत्तेला कसे पराभूत केले. मोनॅकोमध्ये कर खूप कमी आहे. त्यामुळे जगातील श्रीमंतांचा या देशाकडे कल वाढत आहे. मात्र, आज परिस्थिती अशी झाली आहे की, इथे तुम्हाला अनेक करोडपती रस्त्यावर झोपलेले दिसतील कारण इथली जमीन आकुंचन पावत आहे.

नागरिकत्व मिळवणे खूप सोपे आहे

मोनॅकोचे नागरिकत्व मिळवणे देखील खूप सोपे आहे. मोनाकोची लोकसंख्या सुमारे 40 हजार आहे, जिथे 32 टक्के लोक दसकरोडपती आहेत, 15 टक्के मिलेनियर आहेत आणि सुमारे 12 लोक अब्जाधीशांच्या यादीत समाविष्ट आहेत. येथे तुम्हाला मूळ लोकसंख्या 12 हजारच सापडेल. बाकीचे लोक इतर कुठल्यातरी देशातून आलेले आहेत जे इथे राहत असताना त्यांचा व्यवसाय किंवा काम करत आहेत. सोप्या भाषेत सांगायचे तर इथला सर्वात गरीब माणूसही करोडपती आहे.

अहवालात आणखी काय?

स्वित्झर्लंड आणि ऑस्ट्रेलियाबद्दल बोलायचे तर इथल्या 1 टक्के श्रीमंतांच्या यादीत स्थान मिळवण्यासाठी तुमच्याकडे किमान 54 ते 45 कोटी रुपये असायला हवेत. जिथे एकीकडे जगभरात श्रीमंतांची सरासरी झपाट्याने कमी होताना दिसते. तर दुसरीकडे भारतीयांच्या संपत्तीत वाढ होताना दिसत आहे, असा दावा अहवालात करण्यात आला आहे. इतकंच नाही तर नाइट फ्रँकच्या रिपोर्टनुसार तुम्ही भारतात राहत असाल तर इथल्या 1% श्रीमंतांच्या यादीत सामील होण्यासाठी 1.44 कोटी रुपये लागतात. या यादीत भारत 22 व्या क्रमांकावर आहे. त्याचबरोबर सिंगापूरला आशिया खंडात अव्वल स्थान देण्यात आले आहे. जर आपण अमेरिकेबद्दल बोललो तर इथल्या एक टक्का श्रीमंतांमध्ये सामील होण्यासाठी तुम्हाला 42 कोटींचे मालक व्हावे लागेल.