'तिच्याशिवाय जगू शकत नाही', गर्लफ्रेन्डच्या मृत्यूनंतर तीन दिवसांनी बॉयफ्रेन्डने संपवलं जीवन

'द सन' च्या रिपोर्टनुसार, या व्यक्तीचं नाव क्रेग डाफ्रे होतं. तर त्याच्या गर्लफ्रेन्डचं नाव जेनी शानले होतं. जेनी तीन मुलांची आई होती.

एका व्यक्तीने त्याच्या गर्लफ्रेन्डच्या मृत्यूच्या तीन दिवसांनंतर आत्महत्या करून आपलंही जीवन संपवलं. आत्महत्या करण्याआधी तो त्याच्या मित्रांना म्हणाला होता की, तो त्याच्या गर्लफ्रेन्डशिवाय जगू शकत नाही. गर्लफ्रेन्डच्या मृत्यूनंतर ही व्यक्ती पूर्णपणे बिथरली होती. या निराशेतच त्याने आपलं जीवन संपवलं.

'द सन' च्या रिपोर्टनुसार, या व्यक्तीचं नाव क्रेग डाफ्रे होतं. तर त्याच्या गर्लफ्रेन्डचं नाव जेनी शानले होतं. जेनी तीन मुलांची आई होती. जेनीचा मृत्यू ११ जानेवारीला झाला होता. क्रेगचा मृतदेह ब्रिटनमधील प्रेस्टन शहरात १६ जानेवारीला आढळून आला होता. १४ जानेवारीला ती बेपत्ता झाल्याची तक्रार दिली गेली होती.

याप्रकरणी चौकशीतून समोर आलं की, क्रेग ज्या दिवशी गायब झाली त्याच्या एक दिवसआधीती पोलीस स्टेशनमध्येही गेली होती. कारण जेनीच्या घरात तिला तिच्या काही महत्वाच्या वस्तू मिळाल्या नव्हत्या. यानंतर क्रेगने त्याची खास मैत्रीण नताशाला फोन केला होता. त्याने तिला सांगितलं होतं की, 'मला आता काही नको. पण सर्वांवर माझं खूप प्रेम आहे'.

यानंतर त्याचे मित्र आणि नातेवाईक चिंतेत पडले. त्यांनी क्रेगला खूप फोन करण्याचा प्रयत्न केला. पण त्याचा फोन बंद होता. यानंतर पोलिसांनी क्रेगच्या लाल रंगाच्या माजदा कारचा फोटो रिलीज केला. चौकशीतून समोर आलं की, या व्यक्ती मृतदेह टेलिफोन एक्सचेंज बिल्डींगजवळ आढळून आला आहे. 

क्रेगची आई पॅट्रिसिया डाफ्रेनने सांगितलं की, त्याने जून २०२० मध्येही आपलं जीवन संपवण्याचा प्रयत्न केला होता. ज्यानंतर त्याला मेंटल हेल्थ सर्व्हिसेसमध्ये पाठवण्यात आलं होतं. तेच क्रेगच्या परिवाराने सांगितलं की, त्याच्यावर परिवाराचं खूप प्रेम होतं. याप्रकरणी अजूनही चौकशी सुरू आहे.