कोबाने शहरावर इसिसचा पुन्हा ताबा

सिरियात हिंसाचाराचा हैदोस घालणाऱ्या इसिस संघटनेने पुन्हा कोबाने शहरात प्रवेश केला असून, कोबाने शहराजवळील एका गावात २३ कुर्दिश नागरिकांना

बैरूत : सिरियात हिंसाचाराचा हैदोस घालणाऱ्या इसिस संघटनेने पुन्हा कोबाने शहरात प्रवेश केला असून, कोबाने शहराजवळील एका गावात २३ कुर्दिश नागरिकांना ठार मारण्यात आले आहे. मृतांत महिला व लहान मुलेही आहेत. सिरियाच्या मानवी अधिकार संघटनेने ही माहिती दिली.
कुर्दिश बंडखोरांनी हे शहर पाच महिन्यांपूर्वी इसिसच्या ताब्यातून सोडविले होते. या शहरात गुरुवारी इसिसचा प्रवेश होताच मोठ्या प्रमाणावर चकमकी व घातपात सुरू झाले आहेत.
गेले चार महिने हे शहर ताब्यात घेण्याचा इसिसचा प्रयत्न चालला होता; पण कुर्दिश बंडखोरांनी अमेरिकी विमान हल्ल्याच्या साहाय्याने हे शहर ताब्यात ठेवले होते. सीमेवरचे हे शहर ताब्यातून जाणे म्हणजे पराभव असे या भागातील गणित आहे. (वृत्तसंस्था)