इराणने इस्त्रायली धोका पाहता त्यांच्या सरकारी अधिकाऱ्यांसाठी नवा फर्मान काढला आहे. सरकारी अधिकारी, सुरक्षा टीमने पब्लिक कम्युनिकेशन आणि टेलिकम्युनिकेशनचा प्रयोग करू नये. इराणच्या सायबर सुरक्षा कमांडकडून या उपकरणावर पूर्णत: निर्बंध आणण्याचे आदेश जारी करण्यात आले आहेत.
इस्त्रायली हल्ल्याचा जुना रेकॉर्ड पाहता इराणच्या सायबर कमांडने हे आदेश जारी केलेत. फार्म समाचार एजेन्सीनुसार, इराणमध्ये टार्गेटेड मर्डरसाठी यहुदी राष्ट्र त्याचा वापर करू शकतो ही भीती आहे. त्याशिवाय मोबाईल फोनही ट्रॅक केले जाऊ शकतात. हिजबुल्लाह सदस्यांविरोधात पेजर हल्ला याआधी इस्त्रायलनेच केला होता. इस्रायलने अलीकडेच इराणच्या अणुशास्त्रज्ञांना उद्ध्वस्त करण्यासाठी या तंत्रज्ञानाचा वापर केला आहे. अशा परिस्थितीत संवेदनशील ठिकाणी मोबाईल फोन बंद केल्याने देखील लोकेशन ट्रॅकिंग थांबवता येणार नाही. म्हणूनच सर्व अधिकाऱ्यांना अशी उपकरणे वापरण्यास सांगण्यात आले आहे जी अँटी-ट्रॅकिंग आहेत, म्हणजेच ज्यांना ट्रॅक करता येत नाही असं IRGC संलग्न असलेल्या फार्स वृत्तसंस्थेने असा दावा केला आहे.
अधिकाऱ्यांनी स्वत:चे फोन जमा करावेत
तेहरानचे खासदार हमीद रसाई यांनीही यावर भर दिला आहे. सोशल मीडिया प्लॅटफॉर्मवर हमीद रसाई यांनी लिहिले आहे की, इराणमधील सर्व अधिकारी आणि त्यांच्या सहकाऱ्यांना ट्रॅक केले जाण्याची भीती आहे. हा धोका कमी करण्यासाठी प्रत्येकाने त्यांचे फोन जमा करावेत. यानंतर लगेचच सायबर सुरक्षा कमांडच्या अधिकाऱ्यांनी हा आदेश जारी केला. अधिकारी आणि त्यांच्या सुरक्षा कर्मचाऱ्यांना कनेक्टेड डिव्हाइसेसचा वापर करण्यास मनाई आहे असे सांगण्यात आले.
युद्धात उतरणार 'इस्लामिक सैन्य'?
तुर्की, सौदी अरब आणि पाकिस्तानसारख्या प्रमुख इस्लामी देशांनी एकत्र येऊन संयुक्त इस्लामिक सैन्य बनवायला हवे. ज्याचा हेतू इस्त्रायलविरोधात एकजूट दाखवणे आहे. सध्या सुरू असलेले युद्ध नियोजित संघर्ष आहे जो इस्लाम जगतात एकत्रितपणे जिंकले जाऊ शकते असं इस्लामिक रिवोल्यूशनरी गार्ड कॉर्प्सचे वरिष्ठ सैन्य अधिकारी मोहसेन रेजाई यांनी केली आहे.