अमेरिका आणि इस्राइलने इराणविरोधात पुकारलेल्या युद्धामुळे जगभरात गंभीर इंधन संकट निर्माण झालं आहे. तसेच अमेरिका आणि इस्राइच्या हल्ल्यानंतर इराणने खनिज तेल आणि नैसर्गिक वायूच्या वाहतुकीचा मार्ग असलेल्या होर्मुझच्या सामुद्रधुनीची नाकेबंदी केल्याने इंधन वाहतूक करणारी जहाजे खोळंबली आहेत. या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प यांनी होर्मुझच्या सामुद्रधुनीमधून जाणाऱ्या जहाजांना संरक्षम देण्याची घोषणा केली होती. मात्र डोनाल्ड ट्रम्प यांचा दावा आता पोकळ ठरताना दिसत आहे. तसेच अमेरिकन नौदलाने आपण होर्मुझच्या सामुद्रधुनीतून जाणाऱ्या सागरी मार्गावरून प्रवास करणाऱ्या जहाजांना संरक्षण देण्याच्या स्थितीत नसल्याचे स्पष्ट केलं आहे.
इराणसोबत सुरू असलेल्या युद्धादरम्यान, अमेरिकेने जागतिक अर्थव्यवस्थेमधील इंधन वाहतुकीची लाईफ लाईन असलेल्या होर्मुझच्या सामुद्रधुनीमध्ये इराणचं वर्चस्व मोडीत काढून व्यापारी जहाजांना संरक्षण देण्याची घोषणा केली होती. मात्र आता अशा प्रकारची सुरक्षा पुरवणे सध्यातरी शक्य नसल्याची कबुली अमेरिकेने दिली आहे. अमेरिकन नौदलाने दिलेली ही माहिती अमेरिकेचे राष्ट्राध्यक्ष डोनाल्ड ट्रम्प यांनी केलेल्या विधानांच्या एकदम विरोधी आहे. होर्मुझच्या सामुद्रधुनीतून जाणाऱ्या अमेरिकेच्या टँकर्सना सुरक्षित वाट देण्यासाठी नौदलाकडून एस्कॉर्ट उपलब्ध केला जाईल, असे ट्रम्प यांनी सांगितले होते. एवढंच नाही तर होर्मुझच्या सामुद्रधुनीमधून तेल कंपन्यांनी न घाबरता तेलाचे टँकर्स न्यावेत, असा सल्ला ट्रम्प यांनी बुधवारी दिला होता.
मात्र आता अमेरिकेचे ऊर्जा मंत्री क्रिस राईट यांनी सद्यस्थितीत या भागातून प्रवास करणे सध्यातरी खूप धोकादायक असल्याचे आणि सध्यातरी नौदलाकडून सुरक्षा पुरवणे शक्य नसल्याचे स्पष्ट केले आहे. दरम्यान, डोनाल्ड ट्रम्प यांनी होर्मुझच्या सामुद्रधुनीतून प्रवास करण्याचा सल्ला दिल्यानंतर इराणी सैन्याने या भागातून प्रवास करणाऱ्या जहाजांना एस्कॉर्ट करून दाखवा, असं आव्हान दिलं होतं.
Web Summary : Trump's promise of Hormuz Strait security falters as the US Navy admits it can't provide protection amid Iran tensions. Energy Secretary warns of danger, contradicting Trump's earlier advice to tanker companies, escalating regional uncertainty.
Web Summary : ट्रम्प का होर्मुज जलडमरूमध्य सुरक्षा का वादा कमजोर पड़ा क्योंकि अमेरिकी नौसेना ने ईरान के तनाव के बीच सुरक्षा प्रदान करने में असमर्थता जताई। ऊर्जा सचिव ने खतरे की चेतावनी दी, ट्रम्प की टैंकर कंपनियों को दी गई सलाह का खंडन किया, क्षेत्रीय अनिश्चितता बढ़ी।