मध्य पूर्वेतील युद्ध दिवसेंदिवस भीषण होत असताना, संयुक्त राष्ट्र सुरक्षा परिषदेने इराणविरुद्ध एक महत्त्वपूर्ण ठराव मंजूर केला आहे. बहारिनने मांडलेल्या या ठरावात इराणने आखाती देशांवर केलेले क्षेपणास्त्र आणि ड्रोन हल्ले थांबवण्याची मागणी केली आहे. विशेष म्हणजे, इराणचा जवळचा मित्र मानल्या जाणाऱ्या पाकिस्ताननेही या ठरावाच्या बाजूने मतदान केल्याने जागतिक स्तरावर चर्चा रंगली आहे.
सुरक्षा परिषदेने बहारिन, कुवेत, ओमान, कतार, सौदी अरेबिया, यूएई आणि जॉर्डनवर इराणने केलेल्या हल्ल्यांचा तीव्र शब्दांत निषेध केला आहे. पाकिस्तानने या ठरावाचे समर्थन करताना स्पष्ट केले की, या युद्धामुळे आखाती देशांमध्ये राहणाऱ्या लाखो पाकिस्तानी नागरिकांचा जीव धोक्यात आला आहे. दोन पाकिस्तानी नागरिकांचा आधीच मृत्यू झाल्याने पाकिस्तानने 'स्वसंरक्षणा'साठी या ठरावाच्या बाजूने मतदान केले.
मतदान प्रक्रिया१५ सदस्यीय परिषदेत १३ देशांनी ठरावाच्या बाजूने मतदान केले, तर रशिया आणि चीन तटस्थ राहिले. कोणताही देश या ठरावाच्या विरोधात गेला नाही. हॉर्मुझच्या सामुद्रधुनीत व्यावसायिक जहाजांवर होणारे हल्ले आणि जागतिक ऊर्जा पुरवठ्यात आणला जाणारा अडथळा त्वरित थांबवण्याची तंबी इराणला देण्यात आली आहे.
इराणचे प्रत्युत्तरइराणने या ठरावाचा निषेध केला असून, हा सुरक्षा परिषदेचा 'उघड गैरवापर' असल्याचे म्हटले आहे. २८ फेब्रुवारी रोजी अमेरिका आणि इस्रायलने तेहरानवर केलेल्या हल्ल्याकडे जग दुर्लक्ष करत असल्याचा आरोप इराणने केला आहे.
Web Summary : Amidst rising Middle East tensions, Pakistan voted against Iran in the UN Security Council resolution condemning attacks on Gulf nations. Citing the safety of Pakistani citizens in the region and recent fatalities, Pakistan supported the resolution despite its traditionally close ties with Iran.
Web Summary : मध्य पूर्व में बढ़ते तनाव के बीच, पाकिस्तान ने संयुक्त राष्ट्र सुरक्षा परिषद में ईरान के खिलाफ मतदान किया। खाड़ी देशों पर हमलों की निंदा करते हुए, पाकिस्तान ने क्षेत्र में पाकिस्तानी नागरिकों की सुरक्षा और हाल की मौतों का हवाला दिया, जबकि ईरान के साथ उसके पारंपरिक रूप से घनिष्ठ संबंध हैं।